April 29–May 5
LA 34-35
La 10 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. “Mo Je Yehowa Yi Be Fɛɛ Be”
(Hɛngm. 10)
David je Yehowa yi benɛ e kɛ kahi ngɛ kpee po (La 34:1; mwbr24.03 bf. 10 kk. 4)
David fĩa kɛ fɔ Yehowa nɔ, pi ngɛ lɛ nitsɛ e nɔ (La 34:2-4; mwbr24.03 bf. 11 kk. 1)
Yehowa yi nɛ David je ɔ wo e huɛmɛ ɔmɛ he wami (La 34:5; mwbr24.03 bf. 11 kk. 2)
Benɛ David je Abimelek he se ɔ, nyumuhi 400 nɛ a bua jɔɛ ngɛ Matsɛ Saul nɔ yemi ɔ sisi ɔ ya piɛɛ e he ngɛ nga kplanaa a nɔ. (1Sa 22:1, 2) E ma nyɛ maa ba lɛ kaa David ngɛ nyumu nɛ ɔmɛ a he susue benɛ e ngɛ La 34 ɔ ngmae ɔ.
MO BI O HE KE, ‘Kɛ ma plɛ kɛ je Yehowa yi ke i kɛ nɔ ko ngɛ ní sɛɛe ngɛ asafo mi kpe sisi ha kɛɛ?’
2. Ngmami ɔ Mi Junehi
(Hɛngm. 10)
-
La 35:19—Mɛni David ní bimi nɛ ɔ tsɔɔ benɛ e de Yehowa ke; ko ha nɛ nihi nɛ a nyɛɔ mi ɔ nɛ “a kpɛ mi” ɔ? (mwbr24.03 bf. 11 kk. 3)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 34:1-22 (th ní kasemi 5)
4. Bɔ Nɛ O Maa Je Ní Sɛɛmi Sisi Ha
(Hɛngm. 2) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko ngɛ ní sɛɛ se o nyɛ we nɛ o ye lɛ odase nɛ ní sɛɛmi ɔ ba nyagbe. (lmd ní kasemi 1 oti 4)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. (lmd ní kasemi 2 oti 4)
6. Moo Tsɔɔ Nihi Níhi Nɛ O Heɔ Yeɔ
(Hɛngm. 5) Peemi Kɛ Tsɔɔ. Ijwfq-E 59—Munyuyi: Kɛ Yehowa Odasefohi plɛɔ kɛ leɔ kaa e sɛ nɛ a ye gbijlɔ ko ha kɛɛ? (th ní kasemi 17)
La 59
7. Blɔhi Etɛ A Nɔ Nɛ Wa Guɔ Kɛ Jeɔ Yehowa Yi Ngɛ Asafo Mi Kpehi A Sisi
(Hɛngm. 15) Ní Sɛɛmi.
Wa náa he blɔ kɛ jeɔ Yehowa yi ngɛ asafo mi kpehi a sisi. Blɔhi etɛ komɛ nɛ wa guɔ nɔ kɛ peeɔ jã ji nɛ ɔ nɛ.
Ní Sɛɛmi: Ke o kɛ ni kpahi ngɛ ní sɛɛ ɔ, moo tu bɔ nɛ Yehowa hi ha a he munyu. (La 145:1, 7) Anɛ o kane nɔ́ ko aloo o nu nɔ́ ko nɛ lɔ ɔ ye bua mo lo? Anɛ o ná níhi a si kpami ngɛ fiɛɛmi mi nɛ lɔ ɔ ha nɛ o bua jɔ wawɛɛ lo? Anɛ nɔ ko ngɔ e munyu tutui aloo e ní peepee kɛ wo mo he wami lo? Anɛ o na adebɔ nɔ́ ko nɛ lɔ ɔ ha nɛ o bua jɔ lo? Ní nɔ ɔmɛ tsuo ji nike ní nɛ je Yehowa ngɔ. (Yak 1:17) Moo ya asafo mi kpe mla bɔ nɛ pee nɛ o kɛ ni kpahi nɛ sɛɛ ní loko kpe ɔ nɛ je sisi.
Sanehi a heto hami: Ke e hi kulaa a, moo bɔ mɔde nɛ o ha sane heto kake ngɛ asafo mi kpehi nɛ o maa ya a sisi. (La 26:12) O ma nyɛ ma ha sane bimi ɔ heto tɛɛ kɛ je kuku ɔ mi, loo o tu oti ko nɛ ngɛ ní kasemi ɔ mi, ngmami ko, foni ko, aloo bɔ nɛ a kɛ nɔ́ nɛ nyɛ ngɛ kasee ɔ ma tsu ní ha a he munyu. Akɛnɛ ni kpahi ma wo a nine nɔ he je ɔ, mo dla o he kɛ sane hetohi fuu. Ni kpahi ma ná he blɔ kɛ “sã yi jemi afɔle” kɛ ha Mawu ke waa kɛ tsuifia 30 loo nɔ́ nɛ sui jã ha sane heto.—Heb 13:15.
Lahi: O kɛ bua jɔmi nɛ la Matsɛ Yemi la amɛ. (La 147:1) Eko ɔ, a be mo tsɛe ngɛ asafo mi kpe ɔ eko fɛɛ eko sisi konɛ o ha sane heto, titli ke nihi a he hiɛ ngɛ nyɛ asafo ɔ mi. Se o ma nyɛ ma la be fɛɛ be ngɛ asafo mi kpe sisi. Ke o nuɔ he kaa o li lami po ɔ, moo pee nɔ́ nɛ o ma nyɛ nɛ o ná nɔ mi mami kaa Yehowa bua maa jɔ he! (2Ko 8:12) O ma nyɛ ma la kɛ sɛ hlami ngɛ we ɔ mi.
Je VIDEO nɛ ji, Asafo ɔ Yi Nɔ Sane Ha Nɛ E Ngɛ Hɛ Mi Yae—La Ji Nike Ní, Fã 1. Lɔ ɔ se ɔ, mo bi tue buli ɔmɛ ke:
Sisije ngɛ wa yi nɔ sane mi ɔ, mɛni blɔ nɔ wa gu kɛ tsɔɔ kaa yi jemi la nɛ wa ma la kɛ je Yehowa yi ɔ he hia wɔ wawɛɛ?
8. Asafo Baiblo Mi Ní Kasemi
(Hɛngm. 30) bt yi 9 ¶1-7, fã 3 ɔ nya blimi munyu kɛ daka nɛ ngɛ ba fa 70
