April 8-14
LA 26-28
La 34 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Nɔ́ Nɛ David Pee Konɛ E Ya Nɔ Nɛ E Ye Yehowa Anɔkuale
(Hɛngm. 10)
David bi Yehowa nɛ e ye bua lɛ konɛ e pee nɔmlɔ kpakpa (La 26:1, 2; mwbr24.03 bf. 7 kk. 2, 3)
David kɛ huɛ yayahi bɔɛ (La 26:4, 5; mwbr24.03 bf. 7 kk. 4, 5)
David suɔ Yehowa jami wawɛɛ (La 26:8; mwbr24.03 bf. 8 kk. 1-2)
E ngɛ mi kaa David pee tɔmihi mohu lɛɛ, se e kɛ e “tsui tsuo” sɔmɔ Yehowa. (1Ma 9:4) David suɔ Yehowa nɛ e sɔmɔ lɛ kɛ e tsui tsuo, nɛ nihi babauu na enɛ ɔ.
2. Ngmami ɔ Mi Junehi
(Hɛngm. 10)
-
La 27:10—Kɛ ngmami nɛ ɔ maa ye bua wɔ ha kɛɛ ke nihi nɛ nyu bi ngɛ waa kɛ mɛ wa kpɛti ɔ kua wɔ? (mwbr24.03 bf. 8 kk. 3)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 27:1-14 (th ní kasemi 2)
4. Bɔ Nɛ O Maa Je Ní Sɛɛmi Sisi Ha
(Hɛngm. 2) WEHI A MI FIƐƐMI. Moo ngɔ dɛ womi nɛ ngɛ wa Ní Tsɔɔmi Ga Dade ɔ mi ɔ eko kɛ tsu ní. (th ní kasemi 3)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) WEHI A MI FIƐƐMI. Nyɛ susu sane bimi nɛ ngɛ dɛ womi nɛ o kɛ si lɛ ɔ se mi ɔ he. Moo tsɔɔ lɛ jw.org ɔ kɛ níhi nɛ e ma nyɛ maa na ngɛ nɔ. (lmd ní kasemi 9 oti 3)
6. Munyu Tumi
(Hɛngm. 5) lmd mi tsɔɔmi munyu (A) oti 3—Munyuyi: A Ma Dla Níhi Nɛ Puɛ Ngɛ Zugba a Nɔ ɔ Ekohu. (th ní kasemi 13)
La 128
7. Nihewi Kɛ Yihewi Nɛ A Baa A Jemi Saminya
(Hɛngm. 15) Ní Sɛɛmi.
E sa kaa Kristofohi nɛ a ji nihewi kɛ yihewi ɔ nɛ a ba a jemi saminya. A bɔɔ mɔde nɛ a hwuɔ kɛ siɔ mluku nɛ a yi kɛ a we akɔnɔ ɔ konɛ a nyɛ nɛ a pee nɔ́ nɛ da. (Ro 7:21; 1Ko 7:36) Jehanɛ se hu, e sa kaa a bɔ mɔde wawɛɛ nɛ a yu a he kɛ je nihi nɛ a kɛ a he woɔ bɔmi nami mi ɔ a he. Nimli nɛ ɔmɛ ekomɛ ji yaholi, nyumu kɛ nyumu aloo yo kɛ yo nɛ a kɛ a he náa bɔmi. (Efe 2:2) Wa bua jɔɔ nihi nɛ a yaa nɔ nɛ a yeɔ Yehowa gbeye ɔ a he wawɛɛ.
Je VIDEO nɛ ji, Nihe Kɛ Yihe Be Mi—Mɛni Ma Pee Ke Nɔ Ko Ngɛ Ye Nɔ Nyɛe Kaa I Kɛ Lɛ Nɛ Ná Bɔmi? Lɔ ɔ se ɔ, mo bi tue buli ɔmɛ ke:
-
Mɛni nɔ nyɛmi nɛ Cory kɛ Kamryn kɛ kpe?
-
Mɛni ye bua mɛ nɛ a ya nɔ nɛ a bu Yehowa tue?
-
Ke o kɛ si fɔfɔɛhi kaa jã ngɛ kpee ɔ, mɛni Baiblo sisi tomi mlaahi nɛ ma nyɛ maa ye bua mo konɛ o nyɛ nɛ o da nya?
8. Asafo Baiblo Mi Ní Kasemi
(Hɛngm. 30) bt yi 8 ¶5-12
