• Abɛ 11:17—Ke wa jeɔ mi mi jɔmi kpo ɔ, kɛ wɔ nitsɛmɛ wa ma ná he se ha kɛɛ? (mwbr25.03 bf. 12 kk. 4–bf. 13 kk. 1)

  O heto

• Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

  O heto

Akɛnɛ wa yi mluku he je ɔ, wa tɔ̃ɔ ngɛ wa munyu tutui mi. (Yak 3:8) Se ke wa susuɔ nyagbahi nɛ munyu nɛ sɛ tumi ngɔɔ kɛ baa a he ɔ, e maa ye bua wɔ konɛ wa ko de nɔ́ ko nɛ pee se ɔ, wa ma pia wa he. Munyu komɛ nɛ ke wa tu ɔ, e ma nyɛ ma puɛ tue mi jɔmi nɛ ngɛ asafo ɔ mi ɔ ji nɛ ɔmɛ nɛ:

• Fĩami nɛ sɛ. E ji munyu nɛ nɔ tuɔ kɛ jeɔ lɛ nitsɛ e yi, nɛ e ma nyɛ maa ngɔ koli simi kɛ hɛ tsumi kɛ ba.—Abɛ 27:2

• Munyuhi nɛ anɔkuale be mi. Enɛ ɔ kɔ we lakpa munyuhi pɛ a he, se e kɔɔ munyuhi nɛ a jeɔ blɔ tuɔ konɛ a kɛ sisi nɔ ɔ hu he. Ke wa tu munyu nɛ lakpa bɔɔ ngɛ mi po ɔ, e be hae nɛ nihi nɛ a he wɔ nɛ a ye, nɛ e ma nyɛ ma puɛ wa biɛ.—Fiɛ 10:1

• Sieku yemi. E ji munyu nɛ se nami be he nɛ a tuɔ ngɛ nihi a he, nɛ́ a plɛɔ anɔkuale nɛ ngɛ mi ɔ hɛ mi kɛ buɔ si aloo a tuɔ konɛ a kɛ je nihi a laami sanehi kpo. (1Ti 5:13) E kɛ pɛ kɛ mi gbami ma nyɛ maa ba

• Abofu munyu. E ji munyu nɛ ke nɔ ko mi mi fu nɛ e nyɛ we e he nɔ yemi ɔ, e tuɔ kɛ siɔ nɔ ko nɛ e pee nɔ́ ko nɛ dɔ lɛ. (Efe 4:26) E ma nyɛ maa ye nɔ awi.—Abɛ 29:22

Je VIDEO nɛ ji, “Nyɛ Je” Níhi Nɛ Puɛɔ Tue Mi Jɔmi ɔ Ngɔ Fɔ He—Fã Ko. Lɔ ɔ se ɔ, mo bu tue buli ɔmɛ ke:

• Mɛni o kase ngɛ bɔ nɛ e yi kulaa kaa wa munyu tutui ma nyɛ ma puɛ tue mi jɔmi nɛ ngɛ asafo ɔ mi ha a he?

  O heto

Moo hyɛ video nɛ ji, ‘Mo Hla Tue Mi Jɔmi Se Blɔ Nɛ O Di Se’ ɔ, konɛ o na nɔ́ nɛ nyɛmimɛ ɔmɛ pee kɛ dla a kpɛti nɛ tue mi jɔmi ba a.