KRISTOFOHI A SI HIMI
Níhi Nɛ Waa Kɛ JW Library ɔ Ma Nyɛ Maa Pee
KƐ HA NÍ KASEMI:
-
O ma nyɛ maa kane Baiblo ɔ kɛ daa ligbi ngmami ɔ ngɛ nɔ.
-
O ma nyɛ maa kane Yearbook ɔ, womi tɛtlɛɛ ɔmɛ, kɛ womi kpahi. Moo ngɔ bookmark ɔ kɛ kadi he nɛ o kane womi ko kɛ su
-
O ma nyɛ maa kase níhi nɛ wa maa kase ngɛ asafo mi kpehi a sisi ɔ, nɛ o po heto ɔmɛ a sisi
-
O ma nyɛ maa hyɛ videohi
NGƐ ASAFO MI KPEHI A SISI:
-
O ma nyɛ ma bli ngmamihi nɛ munyu tulɔ ɔ ma tsɛ ɔ. Moo ngɔ history blɔ nɔ tomi ɔ kɛ hla ngmamihi nɛ o bli kɛ sɛ hlami ɔ
-
O ma nyɛ ma bli womihi nɛ wa maa kase, kɛ lahi nɛ wa ma la ngɛ asafo mi kpehi a sisi ɔ ngɛ o klama a nɔ mohu pe nɛ o maa hɛɛ womihi fuu kɛ ya asafo mi kpe. La ehehi nɛ a be la womi ɔ mi lolo ɔ tsuo ngɛ JW Library ɔ nɔ
NGƐ FIƐƐMI MI:
-
Moo tsɔɔ nɔ ko nɛ e bua jɔ munyu ɔ he ɔ nɔ́ ko nɛ ngɛ JW Library ɔ nɔ, nɛ o tsɔɔ lɛ bɔ nɛ e ma plɛ kɛ gbla app ɔ kɛ fɔ e klama nɔ, nɛ o ye bua lɛ nɛ e gbla níhi nɛ ngɛ nɔ́ ɔ eko
-
Moo ngɔ nɔ́ hlami blɔ nɔ tomi ɔ kɛ hla kuku ko ngɛ Baiblo ɔ mi. Ke o ngɛ munyukpɔ ko hlae ngɛ New World Translation nɛ a pee lɛ ehe ɔ mi nɛ o nɛ ɔ, mo bli Reference Bible ɔ nɛ o kpale hla
-
Mo je video kɛ tsɔɔ nɔ ko. Ke wetsɛ ɔ ngɛ bimɛ tsɔwi ɔ, o ma nyɛ ma je Moo Pee Yehowa Huɛ video ɔmɛ eko kɛ tsɔɔ mɛ. Aloo o ma nyɛ ma je Mɛni He Je Nɛ E Sa Kaa Waa Kase Baiblo ɔ? video ɔ, konɛ wetsɛ ɔ bua nɛ jɔ he kaa e maa kase Baiblo ɔ. Ke nɔ ko tuɔ gbi kpa a, mo je video ɔ ha lɛ ngɛ e je gbi mi
-
Moo kane Baiblo nɛ a tsɔɔ sisi ngɛ gbi kpa mi nɛ o gbla a kɛ tsɔɔ wetsɛ ko. Mo bli Baiblo ɔ, nɛ o nyɛ kuku nɛ o ngɛ hlae maa kane ɔ nɔ, nɛ o nyɛ okadi nɛ ma ha nɛ o na gbi kpa amɛ ɔ nɔ
Eko ɔ, O Bua Maa Jɔ Enɛ ɔ Hu He
FIƐƐMI NÍ TSUMI
Moo Ngɔ JW.ORG Kɛ Fiɛɛ Baiblo Mi Sɛ Gbi ɔ
Jokuɛwi kɛ nikɔtɔmahi tsuo nɛ a ji Yehowa Odasefohi kɛ a Intanɛti ní tsumi he nɛ a pee lɛ ehe ɔ fiɛɛɔ sane kpakpa nɛ kɔɔ Mawu Matsɛ Yemi ɔ he ɔ kɛ tsɔɔ nihi tsuo.
INTANƐTI NƆ YEMI KƐ BUAMI
JW Library
Moo ngɔ New World Translation ɔ kɛ tsu ní ke o ngɛ Baiblo ɔ kanee aloo o ngɛ Baiblo ɔ kasee. Moo ngɔ e mi munyu ɔmɛ kɛ to Baiblo sisi tsɔɔmi kpahi a he.
