9:1-7

Ngɛ Yesu tsakemi he nina a mi ɔ, e nu nɛ e hiɔwe Tsɛ ɔ de ke E bua jɔ e he. Moo susu bɔ nɛ Yesu bua maa jɔ ha a he nɛ o hyɛ. Atsinyɛ jemi ko be he kaa enɛ ɔ wo Yesu he wami konɛ e nyɛ nɛ e da amanehlu nɛ e kɛ maa kpe ɔ nya. Nina nɛ ɔ ha nɛ Petro, Yakobo, kɛ Yohane ná nɔmi mami kaa niinɛ Yesu ji Mesia a, nɛ e da blɔ kaa a bu lɛ tue. Jeha 32 komɛ a se ɔ, Petro kai níhi a si kpami nɛ ɔ, nɛ e tsɔɔ kaa e wo e hemi kɛ yemi ɔ mi he wami ngɛ “gbami munyu” ɔmɛ a mi.​—2Pe 1:16-19.

E ngɛ mi kaa wa nɛ nina nɛ sa kadimi nɛ ɔ mohu lɛɛ, se wa ngɛ e mi bami ɔ he odase yee. Yesu ngɛ nɔ yee kaa Matsɛ nɛ ngɛ he wami. E be kɛe nɛ Yesu maa “gbe e kunimi yemi ɔ nya”, nɛ e ma ha nɛ je ehe nɛ a yeɔ dami sane ngɛ mi ɔ maa ba.​—Kpj 6:2.

Mɛni blɔ nɔ nɛ Baiblo gbami nɛ o na kaa e ba mi ɔ wo o hemi kɛ yemi mi he wami ngɛ?