MOO BƆ FIƐƐMI NÍ TSUMI Ɔ HE MƆDE | NƆ́ NƐ O MAA PEE KONƐ O NÁ BUA JƆMI BABAUU NGƐ FIƐƐMI NÍ TSUMI Ɔ MI
O Kɛ Gɛjɛmi Nɛ Tsɔɔ Ní
Ke waa kɛ gɛjɛmi tsɔɔ nihi níhi ɔ, lɔ ɔ ma ná a nɔ he wami, nɛ e ma ha nɛ a bu wɔ tue saminya. E haa nɛ nihi naa kaa wa bua jɔɔ sɛ gbi nɛ wa fiɛɛɔ ɔ he. Ngɛ he nɛ a tsɔse wɔ ngɛ aloo bɔ nɛ wa ngɛ ha tsuo se ɔ, wa ma nyɛ maa tu munyu kɛ gɛjɛmi. (Ro 12:11) Ngɛ mɛni blɔ nɔ?
Kekleekle ɔ, mo susu bɔ nɛ wa sɛ gbi ɔ he hia ha a he. E ji he blɔ nɛ o ná kaa o maa ‘jaje ní kpakpahi a he sane kpakpa a!’ (Ro 10:15) Nɔ́ nɛ ji enyɔ ɔ, mo susu bɔ nɛ sane kpakpa a ma nyɛ maa ye bua o tue buli ɔmɛ konɛ a si himi nɛ pee kpakpa a he. E he hia nɛ a nu nɔ́ nɛ o suɔ nɛ o de mɛ ɔ. (Ro 10:13, 14) Nyagbe ɔ, moo tu munyu kɛ kã kɛ gu bɔ nɛ o maa pee o hɛ mi ha kɛ bɔ nɛ o maa pee o nɔmlɔ tso ɔ ha a nɔ.
NYƐƐ HYƐ VIDEO NƐ JI, MO NÁ KASELƆ PEEMI NÍ TSUMI Ɔ MI BUA JƆMI—HA O NÍ TSƆƆMI NƐ NU TSO—O KƐ GƐJƐMI NƐ TSƆƆ NÍ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
-
Mɛni ha nɛ gɛjɛmi nɛ Neeta kɛ ngɛ e Baiblo kaselɔ Lily ní tsɔɔe ɔ nya ba si ɔ?
-
Mɛni ye bua Neeta nɛ e kɛ gɛjɛmi bɔni ní tsɔɔmi ekohu?
-
Gɛjɛmi náa nɔ nɔ he wami
Mɛni he je nɛ e he hia nɛ waa ngɔ wa juɛmi kɛ ma su kpakpahi nɛ wa tue buli ɔmɛ ngɛ ɔ nɔ ɔ?
-
Ke waa kɛ gɛjɛmi tsɔɔ ní ɔ, kɛ lɔ ɔ maa ye bua wa Baiblo kaseli ɔmɛ kɛ ni kpahi ha kɛɛ?
