Yehowa fã e we bi ɔmɛ kaa a je nɔ́ fɛɛ nɔ́ nɛ be hae nɛ a ye lɛ anɔkuale ɔ kɛ je Si Womi Zugba a nɔ (4Mo 33:52; mwbr21.05 bf. 2 kk. 1)

Ke a bɔ mɔde nɛ a ngɔ zugba a kɛ pee a nɔ́ ɔ, Yehowa maa jɔɔ mɛ (4Mo 33:53)

Ke Israel bi ɔmɛ nyɛ we nɛ a kpata a he nyɛli ɔmɛ a hɛ mi pɛsɛpɛsɛ ɔ, lɔ ɔ kɛ nyagbahi maa ba (4Mo 33:55, 56; mwbr21.05 bf. 2 kk. 2-3; mwbr21.05 bf. 2 kk. 4)

Ke wa suɔ nɛ waa sa Yehowa hɛ mi ɔ, e sɛ nɛ waa pee nɔ́ ko nɛ maa te si kɛ si je mi bami he mlaahi nɛ e wo, aloo nɔ́ ko nɛ ma puɛ huɛ bɔmi nɛ ngɛ waa kɛ lɛ wa kpɛti ɔ. (Yak 1:21) Yehowa woɔ wɔ he wami konɛ waa hwu kɛ si níhi nɛ ma nyɛ ma ha nɛ waa pee yayami ɔ, nɛ́ wa ko ngmɛ blɔ nɛ ní yayamihi nɛ ngɛ je ɔ mi ɔ nɛ ná wa nɔ he wami.