MOO BƆ FIƐƐMI NÍ TSUMI Ɔ HE MƆDE | NƆ́ NƐ O MAA PEE KONƐ O NÁ BUA JƆMI BABAUU NGƐ FIƐƐMI NÍ TSUMI Ɔ MI
O Kɛ Nɔ́ He Tomi Níhi Nɛ Tsɔɔ Oti Ɔmɛ A Mi
Ke wa kpale ya slaa nihi aloo waa kɛ mɛ ngɛ Baiblo ɔ kasee ɔ, e sa nɛ waa ye bua mɛ nɛ a nu otihi nɛ ngɛ ní kasemi ɔ mi ɔ sisi. Ke wa ngɔ nɔ́ he tomi níhi kɛ tsɔɔ oti ɔmɛ a mi ɔ, lɔ ɔ ma ha nɛ wa munyu ɔ maa sɛ a tsui mi nɛ e maa ye bua mɛ nɛ a ma kai munyu oti ɔmɛ.
Ke o ngɛ o he dlae nɛ o maa kpale ya slaa nɔ ko aloo o kɛ lɛ ma ya kase Baiblo ɔ, moo hla munyu oti titli ɔmɛ nɛ o maa suɔ kaa o kɛ nɔ́ he tomi níhi maa tsɔɔ mi ɔ pɛ. Lɔ ɔ se ɔ, moo hla nɔ́ he tomi níhi nɛ a mi wɛ nɛ kɔɔ daa ligbi si himi he nɛ o kɛ ma tsu ní. (Mat 5:14-16; Mak 2:21; Luk 14:7-11) Moo bɔ mɔde nɛ o susu o tue buli ɔmɛ a si fɔfɔɛ, kɛ níhi nɛ a peeɔ ɔ he. (Luk 5:2-11; Yo 4:7-15) Ke o na bɔ nɛ nɔ ɔ bua jɔ ha akɛnɛ e nu nɔ́ ko nɛ o tsɔɔ lɛ ɔ sisi ɔ, mo hu o bua maa jɔ.
NYƐƐ HYƐ VIDEO NƐ JI, MO NÁ KASELƆ PEEMI NÍ TSUMI Ɔ MI BUA JƆMI—HA O NÍ TSƆƆMI NƐ NU TSO—NGƆƆ NƆ́ HE TOMI NÍHI KƐ MA OTI ƆMƐ A NƆ MI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
-
Mɛni he je nɛ e he hia nɛ waa ye bua nihi nɛ waa kɛ mɛ kaseɔ ní ɔ konɛ a nu Baiblo ɔ mi munyu ɔmɛ a sisi ɔ?
-
Mɛni blɔ nɔ Neeta gu nɛ e kɛ nɔ́ he tomi nɔ́ tsu ní kɛ tsɔɔ munyu nɛ ngɛ Roma Bi 5:12 ɔ mi?
-
Nɔ́ he tomi níhi nɛ sa a taa nɔ tsui he
Ke waa kɛ nɔ́ he tomi níhi nɛ sa tsu ní ɔ, kɛ e maa ye bua wa tue buli ɔmɛ ha kɛɛ?
-
Mɛni he je nɛ e sa nɛ waa kɛ videohi kɛ ní tsɔɔmi ga dade kpahi nɛ Yehowa asafo ɔ pee ɔ nɛ tsu ní ngɛ fiɛɛmi mi ɔ?
