Ní nɛ waa kɛ nihi maa sɛɛ be mi nɛ wa be fiɛɛmi tso mi ɔ ji blɔ nɛ hi pe kulaa nɛ wa ma nyɛ maa gu nɔ kɛ ye nihi odase. Se ke waa kɛ wa juɛmi maa bɔ nɛ wa maa tsɔɔ ngmami ko mi ha a nɔ ɔ, e he ma nyɛ maa wa ha wɔ kaa waa kɛ nihi maa je ní sɛɛmi sisi. E sa nɛ wa susu ni ɔmɛ a he, mohu pe nɛ wa maa hi haoe ngɛ nɔ́ nɛ wa ma de kɛ ye mɛ odase ɔ he. (Mat 22:39; Flp 2:4) Ke o kɛ nihi ngɛ ní sɛɛe nɛ he blɔ bli kaa o maa o tu o hemi kɛ yemi ɔ he munyu kɛ tsɔɔ mɛ ɔ, ga dadehi fuu ngɛ nɛ maa ye bua mo konɛ o nyɛ nɛ o pee jã.

Ke o kɛ nihi ngɛ ní sɛɛe nɛ a bi mo sane ko ɔ, mɛni blɔ nɔ nɛ ga dadehi nɛ nyɛɛ se nɛ ɔmɛ ma nyɛ maa ye bua mo konɛ o nyɛ nɛ o ye mɛ odase?

NYƐƐ HYƐ VIDEO NƐ JI, “DADE DUƆƆ DADE NYA”​—BƆ NƐ WA MAA JE NÍ SƐƐMI SISI HA. LƆ Ɔ SE Ɔ, NYƐ HA SANE BIMI NƐ NYƐƐ SE NƐ Ɔ HETO:

Mɛni níhi etɛ lɛ ma nyɛ maa ye bua wɔ konɛ waa ya wa hɛ mi ngɛ ní sɛɛmi mi?