May 20-26
LA 40-41
La 102 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Mɛni He Je Nɛ E Sa Kaa Waa Ye Bua Ni Kpahi?
(Hɛngm. 10)
Ke wa ye bua ni kpahi ɔ, wa bua jɔɔ (La 41:1; w18.08 22 ¶16-18)
Yehowa yeɔ bua nihi nɛ a yeɔ bua ni kpahi ɔ (La 41:2-4; w15 12/15 24 ¶7)
Ke wa ye bua ni kpahi ɔ, lɔ ɔ kɛ yi jemi ba haa Yehowa (La 41:13; Abɛ 14:31; w17.09 12 ¶17)
MO BI O HE KE, ‘Anɛ nɔ ko ngɛ ye we asafo ɔ mi nɛ e hia yemi kɛ buami bɔ nɛ pee nɛ e nyɛ nɛ e kɛ JW Library app ɔ nɛ tsu ní saminya lo?’
2. Ngmami ɔ Mi Junehi
(Hɛngm. 10)
La 40:5-10—Mɛni David sɔlemi nɛ ɔ tsɔɔ wɔ ngɛ lemi nɛ wa maa le kaa Yehowa ji je mluku ɔ tsuo Nɔ Yelɔ ɔ he (mwbr24.05 bf. 4 kk. 4)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 40:1-17 (th ní kasemi 12)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko nɛ o yɔse kaa e bua jɔ ɔ nɛ je ní sɛɛmi sisi. (lmd ní kasemi 2 oti 3)
5. Bɔ Nɛ O Maa Je Ní Sɛɛmi Sisi Ha
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko nɛ o yɔse kaa e hao ɔ nɛ je ní sɛɛmi sisi. (lmd ní kasemi 3 oti 5)
6. Bɔ Nɛ O Maa Pee Nihi Kaseli Ha
(Hɛngm. 5) lff ní kasemi 14 oti 6. O kɛ o Baiblo mi ní kaselɔ ko nɛ e he wa ha lɛ kaa e ma ha sanehi a heto ngɛ asafo mi kpehi a sisi ɔ nɛ susu oti ko nɛ ngɛ munyuyi nɛ ji “Mo Je Yehowa Yi Ngɛ Asafo ɔ Mi” nɛ ngɛ “Ní Kpahi Nɛ Maa Ye Bua Mo” blɔ he ɔ he. (th ní kasemi 19)
La 138
7. Nyɛ Ha Nɛ Waa Pee Nihi Tsuo Nɛ A Wa Ngɛ Jeha Mi ɔ Kpakpa
(Hɛngm. 15) Ní Sɛɛmi.
Yehowa bua jɔɔ ní tsumihi nɛ nihi nɛ a wa ngɛ jeha mi ɔ tsuɔ ngɛ asafo ɔ mi ɔ he, nɛ jã a kɛ̃ nɛ wɔ hu wa bua jɔ ní nɛ a ngɛ tsue ɔ he. (Heb 6:10) A kɛ jehahi babauu tsɔse a nyɛmimɛ Kristofohi, a tsɔɔ mɛ ní, nɛ a wo mɛ he wami. Ngɛ anɔkuale mi ɔ, o ma nyɛ ma kai bɔ nɛ a ti ni komɛ ye bua mo ha. Mɛni o maa pee kɛ tsɔɔ kaa o bua jɔ níhi tsuo nɛ a pee nɛ a ya nɔ ngɛ pee ngɛ asafo ɔ mi ɔ he?
Je VIDEO nɛ ji, ‘Nyɛ Ha Nɛ Waa Pee Wa Nyɛmimɛ Kpakpa.’ Lɔ ɔ se ɔ, mo bi tue buli ɔmɛ ke:
Mɛni nɛ Ji-Hoon kase ngɛ Nyɛminyumu Ho-jin Kang ngɔ?
Mɛni nɛ o bua jɔ he ngɛ nyɛmimɛ nɛ a wa ngɛ jeha mi nɛ a ngɛ o we asafo ɔ mi ɔ a he?
Mɛni wa kaseɔ ngɛ Samaria no nɛ e pee e he nyɛmi ɔ nɔ́ he tomi nɔ́ ɔ mi?
Mɛni he je nɛ o susu kaa nile ngɛ mi kaa Ji-Hoon ha nɛ ni kpahi piɛɛ e he kɛ ya ye bua Nyɛminyumu Ho-jin Kang ɔ?
Ke wa susu nihi nɛ a wa ngɛ jeha mi nɛ a ngɛ wa we asafo ɔ mi ɔ a hiami níhi a he ɔ, wa maa na he blɔhi fuu nɛ wa ma nyɛ maa gu nɔ kɛ ye bua mɛ. Ke o na a hiami nɔ́ ko ɔ, hyɛ nɔ́ nɛ o ma nyɛ maa pee kɛ ye bua mɛ.—Yak 2:15, 16.
Kane Galatia Bi 6:10. Lɔ ɔ se ɔ, mo bi tue buli ɔmɛ ke:
Mɛni blɔhi komɛ a nɔ nɛ o ma nyɛ maa gu kɛ pee nihi tsuo nɛ a wa ngɛ jeha mi nɛ a ngɛ o we asafo ɔ mi ɔ kpakpa?
8. Asafo Baiblo Mi Ní Kasemi
(Hɛngm. 30) bt yi 10 ¶1-4, daka nɛ ngɛ ba fa 79
