May 6-12
LA 36-37
La 87 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. “Koo Ye O Tsui Ngɛ Yayami Peeli A He”
(Hɛngm. 10)
Yayami peeli haa nɛ wa naa nɔ́ nɛ wa haoɔ (La 36:1-4; w17.04 10 ¶4)
Ke wa mi mi fuɔ “yayami peeli” ɔ, lɔ ɔ hu haa nɛ wa yeɔ wa he awi (La 37:1, 7, 8; w22.06 10 ¶10)
Yehowa si womi ɔmɛ nɛ wa ngɔɔ wa hɛ kɛ fɔɔ a nɔ ɔ haa wɔ tue mi jɔmi (La 37:10, 11; w17.4 11 ¶6)
MO BI O HE KE, ‘Anɛ i pɔɔ amaniɛ bɔmihi nɛ kɔɔ yi wu tso ní peepeehi a he ɔ tue bumi lo?’
2. Ngmami ɔ Mi Junehi
(Hɛngm. 10)
-
La 36:6—Mɛni nɛ eko ɔ, la polɔ ɔ ngɛ tsɔɔe benɛ e de kaa Yehowa kpakpa peemi ɔ ngɛ kaa “yoku gojogojoohi” ɔ? (mwbr24.05 bf. 1 kk. 4)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 37:1-26 (th ní kasemi 10)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) WEHI A MI FIƐƐMI. (lmd ní kasemi 1 oti 5)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko nɛ be ko nɛ be ɔ, e sume kaa e maa kase Baiblo ɔ nɛ je Baiblo ɔ kasemi sisi. (lmd ní kasemi 9 oti 4)
6. Munyu Tumi
(Hɛngm. 5) ijwbv-E 45—Munyuyi: Mɛni Nɛ Munyu Nɛ Ngɛ La 37:4 ɔ Tsɔɔ? (th ní kasemi 13)
La 33
7. Anɛ O Dla O He Kɛ Ha ‘Haomi Behi’ lo?
(Hɛngm. 15) Ní Sɛɛmi.
Ngɛ je ɔ mi tsuo ɔ, wa nyɛmimɛ nyumuhi kɛ yihi naa nɔ́ nɛ a níhi hu bɔɔ mɛ kɛ guɔ adebɔ mi oslaahi kɛ oslaahi nɛ jeɔ adesahi a ní peepeehi a mi kɛ baa a mi. (La 9:9, 10) Ngɛ anɔkuale mi ɔ, akɛnɛ ‘haomi behi’ kaa kikɛ ma nyɛ maa ba be fɛɛ be he je ɔ, e sa nɛ wɔ tsuo wa dla wa he kɛ to.
Ngɛ niye ní kɛ he lo nya ní kpahi nɛ wa ma dla mɛ kɛ to ɔ se ɔ, a mɛni ji nɔ́ kpa ko nɛ maa ye bua wɔ konɛ ke oslaa ko ba a, wa nyɛ nɛ waa da a nya?
-
Dla o juɛmi: Mo kai kaa oslaahi baa tlukaa, lɔ ɔ he ɔ, susu nɔ́ nɛ o maa pee ke eko ba a he. Ko ha nɛ he lo nya níhi nɛ o ngɛ ɔ a he nɛ hia mo pe nɔ́ fɛɛ nɔ́. Jã nɛ o maa pee ɔ maa ye bua mo konɛ o kɛ nile nɛ pee níhi nɛ ma nyɛ maa po o kɛ ni kpahi nyɛ wami he piɛ, mohu pe nɛ o maa bɔ mɔde kaa o maa baa he lo nya níhi nɛ o ngɛ ɔ yi. (1Mo 19:16; La 36:9) Jehanɛ se hu, ke o ha we nɛ he lo nya níhi nɛ o ngɛ ɔ nɛ he o juɛmi, nɛ ní nɛ ɔmɛ bɔ mo ngɛ oslaa be mi po ɔ, o ma nyɛ maa da si fɔfɔɛ ɔ nya nɛ o be yeyeeye pee tsɔ̃.—La 37:19
-
Ha nɛ o hemi kɛ yemi ɔ mi nɛ wa: Ha nɛ hɛ kɛ nɔ fɔmi nɛ o ngɛ ngɛ Yehowa mi kaa e maa hyɛ mo, nɛ e ngɛ nyɛmi nɛ e kɛ maa pee jã a mi nɛ wa. (La 37:18) Loko oslaa ko maa ba a, be fɛɛ be ɔ, mo kai kaa Yehowa maa tsɔɔ e we bi blɔ, nɛ e maa ye bua mɛ, e ngɛ mi kaa eko ɔ ‘a wami’ pɛ ji nɔ́ nɛ e maa baa yi.—Yer 45:5; La 37:23, 24
Ke wa he ye kaa Yehowa si womi ɔmɛ maa ba mi ɔ, lɛɛ e ba peeɔ nɔ nɛ ‘buɔ wa he ngɛ amanehlu be mi.’—La 37:39.
Je VIDEO nɛ ji Anɛ O Dla O He Kɛ Ha Oslaahi Lo? Lɔ ɔ se ɔ, mo bi tue buli ɔmɛ ke:
-
Ke oslaa ba a, mɛni blɔ nɔ Yehowa maa gu kɛ ye bua wɔ?
-
Mɛni ní komɛ wa ma nyɛ maa pee kɛ dla wa he kɛ to?
-
Mɛni wa ma nyɛ maa pee kɛ ye bua nihi nɛ oslaa ba a nɔ ɔ?
8. Asafo Baiblo Mi Ní Kasemi
(Hɛngm. 30) bt yi 9 ¶8-16
