Ke nɔ ko ji niheyo loo yiheyo ɔ, eko ɔ, e ma susu kaa e maa hi he wami daa. Jehanɛ se hu ɔ, e ma nyɛ ma susu kaa “ligbi yayami ɔmɛ” nɛ náa nihi nɛ a bwɔ ɔ ba be lɛ náe ngɛ Satan je nɛ ɔ mi. (Fiɛlɔ 12:1) Ke o ji niheyo aloo yiheyo ɔ, anɛ e sa nɛ o susu kaa ke o kɛ o he wui Mawu jami mi ní komɛ kaa be tsuo sɔmɔmi ní tsumi ɔ mi piɔ po ɔ, o ma nyɛ maa pee jã pee se lo?

“Haomi” baa wɔ tsuo wa nɔ, nikɔtɔmahi jio, jokuɛwi jio. (Fiɛlɔ 9:11) “Nyɛ li hwɔɔ se je nami mi sane.” (Yak 4:14) Enɛ ɔ he ɔ, nyɛ ko tsɛ̃ Mawu jami mi otihi nɛ e sa kaa nyɛɛ di se ɔ kɛ to. Ke o ji niheyo loo yiheyo ɔ, amlɔ nɛ ji be nɛ e sa kaa o pee babauu ngɛ Yehowa sɔmɔmi mi, ejakaa “blɔ bli” ha mo. (1Kor 16:9) Ke o pee jã a, o be o he piae kɔkɔɔkɔ.

• Gbi kpa kasemi

• Daa blɔ gbami ní tsumi

• Teokrase sukuuhi a yami

• Asafo ɔ tsu mami ní tsumi

• Sɔmɔmi ngɛ Betel

• Kpɔmi nɔ hyɛmi ní tsumi