Ngɛ si himi nɛ mi wa nɛ nyɛmimɛ nɛ a ngɛ Tɛsalonika a kɛ kpe ɔ tsuo se ɔ, a je suɔmi kpo kɛ tsɔɔ a nyɛmimɛ Kristofo ɔmɛ. (2Tɛ 1:3, 4) Yehowa we bi nɛ a ngɛ mwɔnɛ ɔ hu jeɔ suɔmi kaa kikɛ kpo kɛ tsɔɔ a nyɛmimɛ nɛ a ngɛ je kɛ wɛ ɔ. Munyuyi nɛ ji, “Bɔ Nɛ Waa Kɛ Sika Nɛ O Kɛ Yeɔ Bua a Tsuɔ Ní Ha” nɛ ngɛ jw.org ɔ nɔ ɔ tsɔɔ bɔ nɛ yemi kɛ buamihi nɛ o kɛ haa a yeɔ bua nyɛmimɛ ngɛ haomi be nɛ ɔmɛ a mi ha. Wa naa nyɛ si ngɛ suɔmi nɛ nyɛ jeɔ kpo kɛ nyɛ tsui mi nɛ nyɛ jeɔ kɛ yeɔ bua nyɛmimɛ ɔ he.

NYƐƐ HYƐ VIDEO NƐ JI, ‘WA NAA MAWU SI KƐ HAA NYƐ’ BE FƐƐ BE, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni ji ní komɛ nɛ a kɛ yemi kɛ buami nɛ wa haa a tsuɔ?

• Mɛni blɔ nɛ hi pe kulaa nɔ nɛ wa ma nyɛ maa gu kɛ ye bua wa nyɛmimɛ nyumuhi kɛ yihi nɛ a hia yemi kɛ buami ɔ?—Jehanɛ hu hyɛ munyu nɛ ji “Surplus Offsets a Deficiency” nɛ ngɛ jw.org ɔ nɔ ɔ