Nyɛmimɛ nyumuhi kɛ yihi bɔɔ mɔde konɛ a su mumi mi otihi a he. Oti nɛ ɔmɛ ekomɛ ji, blɔ gbami ní tsumi ɔ, Betel sɔmɔmi, kɛ Matsɛ Yemi Asahi a mami. Jehanɛ ɔ hu ɔ, nyɛmimɛ nyumuhi bɔɔ mɔde nɛ a yaa a hɛ mi konɛ a sɔmɔ kaa nɔ hyɛli. (1Ti 3:1) Se anɛ enɛ ɔ tsɔɔ kaa e sa nɛ Kristofohi nɛ a hla sɔmɔmi he blɔhi bɔ nɛ pee nɛ nihi nɛ a le mɛ aloo a kɛ he biɛ lo?

NYƐƐ HYƐ VIDEO NƐ JI, MƐNI HE JE NƐ E SA NƐ WAA YA WA HƐ MI Ɔ? (1TI 3:1), LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

Mɛni blɔ nɔ nɛ ngmamihi nɛ nyɛɛ se nɛ ɔmɛ maa ye bua wɔ konɛ waa le yi mi tomi etɛ he je nɛ e sa nɛ wa bli wa sɔmɔmi ní tsumi ɔ mi ɔ?

• Mat 5:14-16

• 1Ti 4:15

• Heb 5:14–6:1