Wa ngɔɔ wa ní peepee, wa munyu tutui kɛ bɔ nɛ wa susuɔ níhi a he ha a kɛ tsɔɔ kaa wa yeɔ anɔkuale. (La 19:14) Enɛ ɔ he je nɛ Baiblo ɔ woɔ wɔ he wami kaa wa susu nɔ́ fɛɛ nɔ́ nɛ ji anɔkuale, nɛ hɛ mi ngɛ nyami, nɛ da, nɛ he tsɔ, nɛ a suɔ, nɛ a tuɔ he munyu kpakpa, nɛ ji je mi bami nɛ sa, kɛ nɔ́ fɛɛ nɔ nɛ sa yi jemi ɔ he ɔ nɛ. (Flp 4:8) Ngɛ anɔkuale mi ɔ, pi be fɛɛ be nɛ wa ma nyɛ maa tsi susumi yayamihi tsuo nɛ maa ba wa yi mi ɔ nya. Se kɛ̃ ɔ, he nɔ yemi maa ye bua wɔ konɛ wa ko ná susumi yayamihi, mohu ɔ, wa ná susumihi nɛ da. Ke wa yeɔ anɔkuale ngɛ bɔ nɛ wa susuɔ níhi a he ha a mi ɔ, e maa ye bua wɔ konɛ waa ye anɔkuale ngɛ níhi nɛ wa peeɔ hu mi.—Mak 7:​21-23.

Ngɛ ngmami nɛ nyɛɛ se nɛ ɔ eko fɛɛ eko sisi ɔ, moo ngma susumihi nɛ e sɛ kaa Kristofo no ko nɛ ná a kɛ wo lejɛ ɔ:

Ro 12:3

Luk 12:15

Mat 5:28

Flp 3:13