Ke wa be he lo nya ní fuu ɔ, lɔ ɔ ma nyɛ maa pee ka kɛ ha wɔ nɛ wa maa pee ní komɛ nɛ ma puɛ waa kɛ Yehowa wa kpɛti. Kaa nɔ hyɛmi nɔ́ ɔ, eko ɔ, wa ma ná he blɔ ko nɛ ma ha nɛ wa ná sika fuu, se lɔ ɔ ma ha nɛ e he nɛ wa ha wɔ kaa wa maa pee ní komɛ nɛ sa kaa waa pee ngɛ Yehowa sɔmɔmi mi. Ke wa pue wa yi mi tɛ ngɛ Hebri Bi 13:5 ɔ he ɔ, lɔ ɔ maa ye bua wɔ wawɛɛ.

“Nyɛ ko ha nɛ sika suɔmi nɛ hi nyɛ si himi mi”

• Moo sɔle nɛ o susu bɔ nɛ o naa sika ha a he, nɛ jehanɛ se hu o susu nɔ hyɛmi nɔ́ nɛ o ngɛ pee ha o bimɛ ɔ hu he.—g 9/15-E 6.

“Be mi nɛ níhi nɛ nyɛ ngɛ amlɔ nɛ ɔ hiɛ kɛ ha nyɛ ɔ”

• Mo dla o susumi ngɛ bɔ nɛ o naa níhi nɛ a he hia mo ha a he.—w16.07 7 ¶1-2.

“I be mo sie gblegbleegble, nɛ i be mo kuae gblegbleegble hulɔ”

• Mo ná nɔmi mami kaa ke o ya nɔ nɛ o kɛ Matsɛ Yemi ɔ ye kekle blɔ he ɔ, Yehowa maa ye bua mo konɛ o nine nɛ su si himi ɔ mi níhi nɛ o hia a nɔ—w14 4/15 21 ¶17.

NYƐƐ HYƐ VIDEO NƐ JI, BƆ NƐ WA NYƐMIMƐ ƆMƐ NGƐ TUE MI JƆMI NÁE HA NGƐ SIKA HE NYAGBAHI NƐ A KƐ NGƐ KPE Ɔ TSUO SE, LƆ Ɔ SE Ɔ, NYƐ HA SANE BIMI NƐ NYƐƐ SE NƐ Ɔ HETO:

Mɛni o kase ngɛ Miguel Novoa nɔ hyɛmi nɔ́ ɔ mi?