KRISTOFOHI A SI HIMI
Ko Ha Nɛ Nɔ́ Ko Nɛ Puɛ Huɛ Bɔmi Nɛ Ngɛ O Kɛ Yehowa Nyɛ Kpɛti ɔ
Yehowa Odasefohi ngɛ he blɔ klɛdɛɛ ko nɛ se be. Akɛnɛ wa jɔɔ wa he nɔ ha Yehowa Mawu Ope ɔ nɛ a baptisi wɔ, nɛ́ wa ji Kristofohi he je ɔ, wa yaa nɔ nɛ wa haa nɛ huɛ bɔmi nɛ ngɛ waa kɛ lɛ wa kpɛti ɔ mi waa. E gu e Bi ɔ nɔ nɛ e gbla wɔ kɛ ba e ngɔ. (Yo 6:44) E buɔ wa sɔlemi tue.—La 34:15.
Mɛni blɔ nɔ wa maa gu kɛ po huɛ bɔmi nɛ se be nɛ ngɛ waa kɛ Mawu wa kpɛti ɔ he piɛ? Blɔ kake nɛ́ wa ma nyɛ maa gu nɔ kɛ pee jã ji kaa, wa be níhi nɛ dɛ nɛ Israel bi ɔmɛ pee ɔ pee. Benɛ a kɛ Yehowa so ɔ, e kɛ we kulaa nɛ a ya puɛ na bi amaga nɛ a ja. (2Mo 32:7, 8; 1Ko 10:7, 11, 14) Wa ma nyɛ ma bi wa he ke: ‘Ke i kɛ ka ko kpe ɔ, kɛ i peeɔ ye ní ha kɛɛ? Anɛ ye ní peepee tsɔɔ kaa i sume nɛ nɔ́ ko nɛ puɛ huɛ bɔmi nɛ ngɛ i kɛ Yehowa wa kpɛti ɔ lo?’ Ke wa ngɛ suɔmi nɛ mi kuɔ kɛ ha wa hiɔwe Tsɛ ɔ, e maa ye bua wɔ konɛ wa je wa he kɛ je níhi nɛ e sume ɔmɛ a he.—La 97:10.
NYƐƐ HYƐ VIDEO NƐ JI, POO HUƐ BƆMI NƐ NGƐ O KƐ YEHOWA NYƐ KPƐTI Ɔ HE PIƐ (KOL 3:5), LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
-
Mɛni ji hɛkɔ?
-
Mɛni he je nɛ e sa nɛ waa yu wa he ngɛ hɛkɔ kɛ amaga jami he ɔ?
-
Mɛni tsakpa lɛ ngɛ gba puɛmi kɛ wɔ jami a kpɛti?
-
Mɛni he je nɛ e sa kaa nihi nɛ a ngɛ sɔmɔmi he blɔhi ngɛ asafo ɔ mi ɔ nɛ a tsu a he piɛɛli a hiami níhi a he ní ha mɛ ɔ?
