NƆ́ HE JE NƐ E HE HIA: Ke wa ya asafo mi kpehi ɔ, wa náa he blɔ nɛ wa ‘laa kɛ haa Yehowa’ nɛ wa ‘jeɔ e yi.’ (La 149:1) Ke wa ya asafo mi kpehi ɔ, a tsɔɔ wɔ kaa waa pee Mawu suɔmi nya ní. (La 143:10) Ke nihi nɛ a ngɛ munyu ɔ he bua jɔmi kɛ nihi nɛ waa kɛ mɛ kaseɔ Baiblo ɔ bɔni asafo mi kpehi yami ɔ, a peeɔ tsakemi wawɛɛ.

BLƆ NƆ NƐ O MAA GU KƐ PEE:

• Ke o kɛ nɔ ko bɔni anɔkuale ɔ he ní sɛɛmi pɛ ɔ, moo fɔ lɛ nine kɛ ya asafo mi kpehi a sisi. E he hia we nɛ o mlɛ nɛ o kɛ lɛ nɛ je Baiblo mi ní kasemi sisi loko o pee jã.—Kpoj 22:17

• Mo de lɛ níhi nɛ maa ya nɔ, kɛ níhi nɛ a maa kase ngɛ asafo mi kpe nɛ maa nyɛɛ se ɔ mi ɔ. Níhi nɛ nyɛɛ se nɛ ɔ ma nyɛ maa ye bua mo: asafo mi kpe he nine fɔmi womi ɔ, video nɛ ji, Mɛni A Peeɔ Ngɛ Matsɛ Yemi Asahi A Nɔ? ɔ, kɛ ní kasemi 5 kɛ 7 nɛ ngɛ womiyo nɛ ji Yehowa Suɔmi Nya Ní ɔ mi ɔ

• Moo ye bua lɛ. Anɛ e he hia nɛ o wo lɔle hiɔ ha nɔ nɛ ngɛ munyu ɔ he bua jɔmi ɔ aloo a kɛ lɔle nɛ wo lɛ kɛ ya asafo mi kpe lo? Anɛ e he maa hia nɛ o ye bua lɛ konɛ e wo tade nɛ sa kɛ ya lo? Ke e ba asafo mi kpe ɔ, moo hi si ngɛ e kasa nya nɛ o kɛ lɛ nɛ hyɛ o womi ɔmɛ a mi. O kɛ lɛ nɛ fɔ nihi