KRISTOFOHI A SI HIMI

Ye Bua Nihi Nɛ A Be Jami Ko Mi ɔ Nɛ A Ba Le A Bɔlɔ ɔ

FIAA

Anɛ o nu he hyɛ kaa o be nyɛe maa ye nihi nɛ a be jami ko mi ɔ odase ejakaa o susu kaa a be mo tue bue lo? Ke jã a, lɛɛ mo kai kaa nihi babauu nɛ a be jami ko mi nɛ nihi nɛ a he we yi kaa Mawu ngɛ ɔ hu piɛɛ he ɔ ba pee Yehowa Odasefohi. Behi fuu ɔ, nɔ́ nɛ a hia kɛkɛ pɛ ji odase nɛ ma ha nɛ a he ye kaa Mawu ngɛ.—Ro 1:20; 10:14.

NYƐƐ HYƐ VIDEO NƐ JI MO KAI KAA NIHI NƐ A BE HEMI KƐ YEMI Ɔ MA NYƐ MA NÁ HEMI KƐ YEMI! —NIHI NƐ A BE JAMI KO MI, LƆ Ɔ SE Ɔ, NYƐ HA SANE BIMI NƐ NYƐƐ SE NƐ Ɔ HETO:

Mɛni blɔ nɔ nɛ Tommaso nɔ hyɛmi nɔ́ ɔ ye bua mo konɛ o ná juɛmi nɛ da kaa o maa ye nihi nɛ a be jami ko mi ɔ odase?

O heto

Bɔ nɛ o maa pee lɛ ha

Ke nɔ ko de ke e he we Mawu yi ɔ, o mi mi nɛ ko fu mohu ɔ, je mi mi jɔmi kpo kɛ tsɔɔ lɛ nɛ o kɛ hɛ si kami nɛ tsu ní nɛ jehanɛ se hu o bua nɛ jɔ kaa e je e juɛmi kpo ngɛ sane ɔ he. (2Ti 2:24) O kɛ lɛ nɛ susu munyuyihi nɛ e bua maa jɔ a he ɔ he. Anɛ e maa suɔ kaa o kɛ lɛ nɛ susu odasehi nɛ ye bua nihi babauu nɛ a ba ná nɔmi mami kaa Bɔlɔ ko ngɛ ɔ he lo? Ke jã a, lɛɛ ngɔɔ womihi kɛ videohi nɛ a pee ngɛ yi mi tomi nɛ ɔ he ɔ kɛ tsu ní.

Behi komɛ ɔ, o ma nyɛ maa nu he kaa o kɛ nɔ ko nɛ e he we yi kaa Mawu ngɛ ɔ be nyɛe maa sɛɛ anɔkuale ɔ he ní. Se ke e ba jã a, mo bi fiɛɛlɔ ko nɛ e nane pi si ɔ nɛ e ye bua mo. Mo kai hu kaa Yehowa ma nyɛ maa ye bua wɔ konɛ wa hla tsui kpakpatsɛmɛ nɛ be ko nɛ be ɔ, a he we yi kaa e ngɛ po. —Nít 13:48.

KRISTOFOHI A SI HIMI KƐ A SƆMƆMI NÍ TSUMI Ɔ–NÍ KASEMI WOMI