Ke nihi dooɔ wa nya a lɔ ɔ ma nyɛ ma ha nɛ waa hao. Ke a te si kɛ wo jami nɛ waa kɛ haa Mawu ɔ nɛ lɔ ɔ ha nɛ wa kɔni mi jɔ̃ ɔ, e ma nyɛ maa sa huɛ bɔmi nɛ ngɛ waa kɛ Yehowa wa kpɛti ɔ he. Mɛni blɔ nɔ o maa gu kɛ po o he piɛ kɛ je nimli kaa jã a he?

Yehowa sɔmɔli babauu ngɔ a hɛ kɛ fɔ e nɔ nɛ a nyɛ nɛ a ye nihi nɛ a dooɔ a nya a nɔ kunimi. (La 18:17) Kaa nɔ hyɛmi nɔ́ ɔ, Ester tu munyu konɛ e kɛ je Haman nɛ ji yiwutsotsɛ ɔ yi mi tomi ɔ kpo. (Est 7:​1-6) Loko e pee nɔ́ nɛ ɔ, e ha hwɔ kɛ tsɔɔ kaa e kɛ e hɛ fɔ Yehowa nɔ. (Est 4:​14-16) Yehowa jɔɔ e mɔde bɔmi ɔ nɔ nɛ e po e kɛ e we bi ɔmɛ a he piɛ.

Nihewi kɛ yihewi, ke nihi ngɛ nyɛ nya dooe ɔ, nyɛ bi Yehowa yemi kɛ buami nɛ nyɛɛ kɛ nɔ ko nɛ e wa, kaa nyɛ fɔli nɛ sɛɛ nyɛ nyagba amɛ a he ní. Nyɛ ma nyɛ ma ná nɔmi mami kaa Yehowa maa ye bua nyɛ kaa bɔ nɛ e ye bua Ester a. Mɛni nɔ́ kpa ko nyɛ ma nyɛ maa pee kɛ da nɔ nya doomi nya?

NYƐƐ HYƐ VIDEO NƐ JI, NIHE KƐ YIHE BE MI—MƐNI MA PEE KE NIHI NGƐ YE NYA DOOE? LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nɛ nihewi kɛ yihewi ma nyɛ maa kase ngɛ Charlie kɛ Ferin a nɔ hyɛmi ní ɔmɛ a mi?

  O heto

• Mɛni nɛ fɔli ma nyɛ maa kase ngɛ níhi nɛ Charlie kɛ Ferin de kɛ kɔ bɔ nɛ a ma nyɛ maa ye bua a bimɛ konɛ a nyɛ nɛ a da nɔ nya doomi nya ha a he?

  O heto