October 7-13
LA 92-95
La 84 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Yehowa Nɛ Wa Ma Sɔmɔ ɔ Ji Nɔ́ Nɛ Hi Pe Kulaa Ngɛ Wa Si Himi Mi!
(Hɛngm. 10)
Yehowa ji nɔ nɛ e sa kaa wa sɔmɔ (La 92:1, 4; w18.04 26 ¶5)
E ha e sɔmɔli he blɔ konɛ a hla nɔ́ nɛ a suɔ kaa a maa pee, nɛ e yeɔ buaa mɛ konɛ a bua nɛ jɔ (La 92:5; w18.11 20 ¶8)
Ke nihi nɛ a sɔmɔɔ lɛ ɔ wa ngɛ jeha mi po ɔ, e bua jɔɔ a he (La 92:12-15; w20.01 19 ¶18)
MO BI O HE KE, ‘Mɛni ngɛ mi blɔ tsie loko i jɔɔ we ye he nɔ kɛ ha Yehowa nɛ ma ha nɛ a baptisi mi ɔ?’
2. Ngmami ɔ Mi Junehi
(Hɛngm. 10)
-
La 92:5—Kɛ munyu nɛ ɔmɛ kale bɔ nɛ Yehowa juɛmi mi kuɔ ha a ha kɛɛ? (mwbr24.09 bf. 7 kk. 4)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 94:1-23 (th ní kasemi 5)
4. Bɔ Nɛ O Maa Je Ní Sɛɛmi Sisi Ha
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Benɛ o kɛ nɔ ɔ ngɛ ní sɛɛe ɔ, moo gu ga blɔ nɔ nɛ o kɛ lɛ nɛ tu o ní tsumi kaa Baiblo tsɔɔlɔ ɔ he munyu. (lmd ní kasemi 5 oti 3)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko nɛ be ko nɛ be ɔ, e sume kaa e maa kase Baiblo ɔ, se amlɔ nɛ ɔ e bua ba jɔ he ɔ nɛ je Baiblo ɔ kasemi sisi. (lmd ní kasemi 8 oti 4)
6. Bɔ Nɛ O Maa Pee Nihi Kaseli Ha
(Hɛngm. 5) O kɛ Baiblo kaselɔ nɛ e yɛ e hɛ mi ɔ nɛ sɛɛ ní. (lmd ní kasemi 12 oti 5)
La 5
7. Ke Nihewi Kɛ Yihewi Hao
(Hɛngm. 15) Ní Sɛɛmi.
Nihi nɛ a sɔmɔɔ Yehowa a ma nyɛ maa pee yeyeeye be komɛ. Kaa nɔ hyɛmi nɔ́ ɔ, ngɛ David si himi mi ɔ, e pee yeyeeye nɛ jã nɛ e ji ngɛ wa nyɛmimɛ babauu nɛ a ngɛ mwɔnɛ ɔ hu a blɔ fa mi. (La 13:2; 139:23) Dɔmi sane ji kaa, e baa jã ngɛ nihewi kɛ yihewi po a blɔ fa mi. Be komɛ ɔ, yeyeeye peemi ma nyɛ ma ha nɛ ní komɛ nɛ a peeɔ daa kaa sukuu yami kɛ asafo mi kpe yami ɔ ma nyɛ maa pee dengme ha mɛ. Yeyeeye peemi ma nyɛ ma ha nɛ a tsui maa hi poe loo kaa a ma ná susumi ɔ kaa a maa gbe a he.
Nihewi kɛ yihewi, ke nyɛ hao ɔ, nyɛɛ kɛ nyɛ fɔli loo nihi nɛ a nane pi si ngɛ asafo ɔ mi ɔ nɛ sɛɛ ní. O hɛ nɛ ko je nɔ kaa o maa sɔle ha Yehowa konɛ e ye bua mo. (Flp 4:6) Ke o pee jã a, Yehowa maa ye bua mo. (La 94:17-19; Yes 41:10) Mo susu Steing nɔ hyɛmi nɔ́ ɔ he nɛ o hyɛ.
Je VIDEO nɛ ji, Yehowa Ye Bua Mi. Lɔ ɔ se ɔ, mo bi tue buli ɔmɛ ke:
• Mɛni ngmami nɛ ye bua Steing, nɛ mɛni he je?
• Mɛni Yehowa pee kɛ ye bua lɛ?
Fɔli, nyɛ ma nyɛ maa ye bua nyɛ bimɛ ɔmɛ konɛ a da yeyeeye peemi nya kɛ gu nyɛ tsui si nɛ nyɛ maa to kɛ bu mɛ tue, suɔmi kpo nɛ nyɛ ma je kɛ tsɔɔ mɛ, kɛ jehanɛ se hu ɔ, nɛ nyɛ ma ha nɛ a ná nɔ mi mami kaa Yehowa suɔ mɛ ɔ nɔ. (Tit 2:4; Yak 1:19) Ngɔɔ o hɛ kɛ fɔ Yehowa nɔ nɛ e wo o bua konɛ e ha mo he wami nɛ o hia nɛ o kɛ ye bua o bimɛ ɔmɛ.
Ke nyɛmi ko nɛ ngɛ asafo ɔ mi ɔ hao loo e pee yeyeeye ɔ, eko ɔ, wa be yɔsee, loo wa be lee bɔ nɛ e ngɛ he nue ha tutuutu. Se kɛ̃ ɔ, wa ma nyɛ maa pee níhi kɛ ye bua nyɛmimɛ ɔmɛ nɛ ma ha nɛ a nu he kaa wa suɔ mɛ.—Abɛ 12:25; Heb 10:24.
8. Asafo Baiblo Mi Ní Kasemi
(Hɛngm. 30) bt yi 16 ¶6-9, daka nɛ ngɛ bafa 132
