September 2-8
LA 79-81
La 29 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. O Kɛ O Ní Peepee Nɛ Tsɔɔ Kaa O Suɔ Yehowa Biɛ ɔ Saminya
(Hɛngm. 10)
Moo yu o he kɛ je ní peepeehi nɛ wui Yehowa hɛ mi nyami ɔ a he (La 79:9; w17.02 9 ¶5)
Tsɛ Yehowa biɛ ɔ (La 80:18; mwbr24.09 bf. 1 kk. 2-3)
Yehowa maa jɔɔ nihi nɛ a buɔ lɛ tue nɛ a ngɛ suɔmi kɛ ha e biɛ ɔ (La 81:13, 16)
Ke wa ha nɛ nihi le kaa wa ji Yehowa we Odasefohi kɛ gu wa jemi bami nɔ ɔ, lɔ ɔ woɔ e hɛ mi nyami
2. Ngmami ɔ Mi Junehi
(Hɛngm. 10)
-
La 80:1—Mɛni he je nɛ be komɛ ɔ, a kɛ Yosef biɛ ɔ daa si kɛ ha Israel wɛtso ɔmɛ tsuo ɔ? (mwbr24.09 bf. 1 kk. 4-5)
-
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 79:1–80:7 (th ní kasemi 10)
4. Bɔ Nɛ O Maa Je Ní Sɛɛmi Sisi Ha
(Hɛngm. 1) WEHI A MI FIƐƐMI. O kɛ nɔ ko nɛ e bua jɔ munyu ɔ he ɔ nɛ je Baiblo ɔ kasemi sisi. (lmd ní kasemi 4 oti 4)
5. Bɔ Nɛ O Maa Je Ní Sɛɛmi Sisi Ha
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko nɛ e bua jɔ munyu ɔ he ɔ nɛ je Baiblo ɔ kasemi sisi. (lmd ní kasemi 4 oti 3)
6. Bɔ Nɛ O Maa Je Ní Sɛɛmi Sisi Ha
(Hɛngm. 2) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko nɛ e bua jɔ munyu ɔ he ɔ nɛ je Baiblo ɔ kasemi sisi. (lmd ní kasemi 3 oti 3)
7. Kpale Ya Slaa Nihi Nɛ A Bua Jɔ Munyu ɔ He
(Hɛngm. 5) WEHI A MI FIƐƐMI. O kɛ nɔ ko nɛ be ko nɛ be ɔ, e sume kaa e maa kase Baiblo ɔ nɛ je Baiblo ɔ kasemi sisi. (lmd ní kasemi 8 oti 3)
La 10
8. “A Ma Tsɔ Ye Biɛ ɔ He”
(Hɛngm. 15) Ní Sɛɛmi.
Satan je Yehowa biɛ ɔ he guɛ gbemi sisi kɛ je Eden abɔɔ ɔ mi tɔɔ. Kɛ je jamɛ a be ɔ mi ɔ, e ba bi nɛ adesahi kɛ bɔfohi tsuo nɛ a hla ke ji kaa a maa wo Yehowa biɛ ɔ nguɔ aloo a be jã pee.
Moo hyɛ lakpa munyuhi nɛ Satan tu kɛ kɔ Yehowa he ɔ a kpɛti bɔɔ komɛ. Satan tsɔɔ kaa Yehowa ji nɔ yelɔ ko nɛ ngɛ kpɛii nɛ e be suɔmi. (1Mo 3:1-6; Hio 4:18, 19) E de ngɛ Yehowa sɔmɔli ɔmɛ hu a he kaa pi a tsui mi nɛ a je kɛ ngɛ lɛ sɔmɔe. (Hio 2:4, 5) E plɛ nimli ayɔhi a yi mi konɛ a he ye kaa pi Yehowa nɛ bɔ níhi nɛ a ngɛ fɛu nɛ bɔle wɔ ɔ.—Ro 1:20, 21.
Kɛ lakpa munyu nɛ ɔmɛ ha nɛ o nuɔ he ha kɛɛ? Eko ɔ, enɛ ɔ haa nɛ o nuɔ he kaa e sa nɛ o fã Yehowa he! E le kaa e sɔmɔli bua maa jɔ wawɛɛ kaa a maa ye bua kɛ ha nɛ e biɛ ɔ he nɛ tsɔ. (Kɛ to Yesaya 29:23, NW ɔ he.) Mɛni o ma nyɛ maa pee kɛ ye bua?
-
Moo ye bua nihi nɛ a ba le Yehowa nɛ a suɔ lɛ. (Yo 17:25, 26) Moo pee klaalo kaa o maa tsɔɔ nihi odasehi nɛ tsɔɔ kaa e ngɛ, nɛ o tsɔɔ mɛ e su kpakpa amɛ.—Yes 63:7
-
Suɔ Yehowa kɛ o tsui tsuo. (Mat 22:37, 38) Moo ye Yehowa fami ɔmɛ a nɔ, pi ngɛ se nami nɛ o náa a he, mohu ɔ, akɛnɛ o suɔ nɛ Yehowa bua nɛ jɔ ɔ he je.—Abɛ 27:11
Je VIDEO nɛ ji, Ko Ha Nɛ O Suɔmi ɔ Se Nɛ Po Gblegbleegble . . . Ke Nihi Nɛ O Kɛ Yaa Sukuu ɔ Kɛ Mawu Mlaa Tsu We Ní. Lɔ ɔ se ɔ, mo bi tue buli ɔmɛ ke:
-
Mɛni Ariel kɛ Diego pee kɛ fã Yehowa biɛ ɔ he?
-
Mɛni wo mɛ he wami nɛ a nyɛ nɛ a fã Yehowa he?
-
Kɛ o ma plɛ kɛ kase a nɔ hyɛmi nɔ́ ɔ ha kɛɛ?
9. Asafo Baiblo Mi Ní Kasemi
(Hɛngm. 30) bt yi 15 ¶1-7, kɛ fã 6 nya blimi munyu
