La 10
“I Ngɛ Hiɛ ɔ! Moo Tsɔ Mi”
(Yesaya 6:8)
1. Mwɔn’ɔ, nimli gbeɔ Ma’u he guɛ
Ngɛ blɔ slɔɔtohi fuu a nɔ.
A ke yiwutsotsɛ ji lɛ.
Kuasiahi ke: “Mawu ko be.”
Mɛnɔ ma tsɔ Mawu biɛ he?
Mɛnɔ ma la kɛ je e yi?
“Nyɔmtsɛ, i ngɛ hi’ɔ! Moo tsɔ mi!
Ma la kɛ je o yi wawɛɛ.
(NƆ HEMI)
Nyɔm-tsɛ, e ji he blɔ nɛ se be.
I ngɛ hi’ɔ! Tsɔ mi, tsɔ mi.”
2. Nimli deɔ ke Mawu ngɛ siɔɔ,
Nɛ a tsa yi Mawu gbeye.
Ni komɛ jaa amagahi;
A buu Kaisare pe Mawu.
Mɛnɔ lɛ maa bɔ mɛ kɔkɔ?
Mɛnɔ ma de mɛ ke ta ma?
“Nyɔmtsɛ, i ngɛ hi’ɔ! Moo tsɔ mi!
I kɛ kã maa bɔ mɛ kɔkɔ.
(NƆ HEMI)
Nyɔm-tsɛ, e ji he blɔ nɛ se be.
I ngɛ hi’ɔ! Tsɔ mi, tsɔ mi.”
3. He si bali ngɛ kɔmɔ yee,
Ejakaa yayami pɔhe.
A ngɛ anɔkuale nɛ haa
Nɔ tue mi jɔmi se blɔ hlae.
Mɛnɔ lɛ e maa wo a bua?
Mɛnɔ maa tsɔɔ mɛ nɔ́ nɛ da?
“Nyɔmtsɛ, i ngɛ hi’ɔ! Moo tsɔ mi!
Ma ná tsui kɛ tsɔɔ mɛ o mlaa.
(NƆ HEMI)
Nyɔm-tsɛ, e ji he blɔ nɛ se be.
I ngɛ hi’ɔ! Tsɔ mi, tsɔ mi.”
(Moo hyɛ La 10:4; Ezek. 9:4 hulɔ.)