Ma Nyɛ Ma Te Si
Gblaa:
1. Ye hɛ ngɛ jae, bua jɔmi nɛ i ngɛ tsuo ta
Yehowa, i na kaa i tɔ̃ o nɔ.
Ye kɛ bua mi nɛ ma kpale da ye nane nɔ
I suɔ nɛ ma kpale kɛ ba o ngɔ.
(NƆ HEMI)
I kaiɔ níhi nɛ o tsɔɔ mi—ye hɛ ji a nɔ—
O munyu nɛ ji Baiblo tsɔɔ mi kaa
Ke ye nane tɔ̃tɔ̃ po, ke i nɔ si po,
Ma nyɛ ma te si.
2. I le nimli nɛ a suɔ mi
Nɛ a susuɔ ye he.
A suɔ Yehowa kɛ a tsui tsuo.
O munyu ji kane, e haa i naa ye nane nya.
I suɔ kaa ma nyɛɛ wami blɔ nɔ daa.
(NƆ HEMI ENYƆNE)
Níhi nɛ i naa ngɛ he fɛɛ he maa nɔ mi kɛ haa mi kaa
Nyagbe’ɔ su ta niinɛ.
(NƆ HEMI)
Tsɛ Yehowa, mo wa mi, bu ye sɔlemi tue.
Ye bua mi nɛ ma da ye nane nɔ.
O ha nɛ i le kaa ke i nɔ si po,
Ma nyɛ ma te si.
(NƆ HEMI ENYƆNE)
Yehowa le kaa e he hia nɛ nɔ ko nɛ pɛtɛ ye he.
E le kaa ye he wami ta, se i hɛɛ tsui kpakpa.
E kɔni gbo we ngɛ ye he.
(NƆ HEMI)
Ma ya asafo mi kpe mwɔn’ɔ; i suɔ nɛ ma ya piɛɛ
Nimli nɛ a suɔ mi’ɔ a he.
Ke ye nane tɔ̃tɔ̃ po, ke i nɔ si po, i be zugba tlɔe.
Ma nyɛ ma te si.
