LA 139
Ngɔɔ Lɛ Kaa O Ngɛ Je Ehe ɔ Mi
-
1. Moo ngɔ lɛ kaa i kɛ mo tsuo
Wa ngɛ je ehe mi ngɛ ngɔɔmi yee.
Hyɛ bɔ nɛ wa bua maa jɔ ha
Ke wa ná tue mi jɔmi nitsɛ.
Ní yayami tsuo se maa po;
Mawu maa ye wa nɔ kɛ ya daa
Zugba nɔ tsuo ma tsake kɛ pee ehe,
Wɔ tsuo wa ma je o yi,
nɛ wa ma la ke:
(NƆ HEMI)
“Tsaatsɛ Yehowa, wa ngɛ o yi jee.
O Bi Kristo pee nɔ́ tsuaa nɔ́ ehe.
Wa je wa tsui mi kɛ ngɛ o yi jee wawɛɛ;
O nɔ́ ji yi jemi kɛ hɛ mi nyami daa.”
-
2. Moo ngɔ lɛ kaa wɔ tsuo wa ngɛ
Mawu je ehe mi nɛ wa bua jɔ.
Wa nɛ nɔ́ ko, wa nui nɔ́ ko
Nɛ ma ha nɛ wa maa ye gbeye.
E siwo tsuo ba mi niinɛ;
E kɛ e bo tsu maa ha wa nɔ.
E ma tle gbogboehi tsuo a si kɛ ba;
Waa kɛ mɛ tsuo maa pee
kake kɛ la wawɛɛ:
(NƆ HEMI)
“Tsaatsɛ Yehowa, wa ngɛ o yi jee.
O Bi Kristo pee nɔ́ tsuaa nɔ́ ehe.
Wa je wa tsui mi kɛ ngɛ o yi jee wawɛɛ;
O nɔ́ ji yi jemi kɛ hɛ mi nyami daa.”
(Moo hyɛ La 37:10, 11; Yes. 65:17; Yoh. 5:28; 2 Pet. 3:13 hulɔ.)
