LA 14
Mo Je Zugba a Nɔ Matsɛ Ehe ɔ Yi
(La 2:12)
-
1. A ngɛ nimli asafo ko
nya buae ngɛ je kɛ wɛ tsuo.
Kristo kɛ e nyɛmimɛ ngɛ
jã pee kɛ hɛdɔ nitsɛ.
Mawu Nɔ Yemi je sisi;
E ma ba ye zugba tsuo nɔ.
E ji hɛ nɔ kami nɛ se be
Nɛ ma ha wa bua maa jɔ daa.
(NƆ HEMI)
Mo je Yehowa yi; Mo je Kristo hu yi.
Kristo ji matsɛmɛ a Matsɛ.
Nyɛ ha nɛ wɔ tsuo waa bu lɛ tue daa,
Nɛ́ e bua nɛ jɔ wa he.
-
2. Wɔ tsuo waa kɛ bua jɔmi jeɔ
wa Matsɛ Kristo yi daa.
E ji Ganɔ Nɛ Yi Nɔ Jɔ,
nɛ e ma kpɔ̃ adesa.
Wɔ tsuo wa bua maa jɔ hwɔɔ se:
Wa tue mi maa jɔ wɔ wawɛɛ.
Ni gbogboehi maa te si kɛ ba.
Hyɛ bɔ nɛ wa bua maa jɔ ha!
(NƆ HEMI)
Mo je Yehowa yi; Mo je Kristo hu yi.
Kristo ji matsɛmɛ a Matsɛ.
Nyɛ ha nɛ wɔ tsuo waa bu lɛ tue daa,
Nɛ́ e bua nɛ jɔ wa he.
