1. Waa kɛ wa Tsɛ nɛ ngɛ suɔmi

Maa nyɛɛ ngɛ he si bami mi daa.

Hyɛ bɔ nɛ e dloo nimli nɛ

A hlaa e mlaahi a se blɔ ha!

Mawu to blɔ nya kɛ ha wɔ

Konɛ waa kɛ lɛ nɛ nyɛɛ.

Wa jɔɔ wa he nɔ kɛ ha lɛ;

Wa fĩ Yehowa Mawu se.

2. Abosiami hɛdɔ wawɛɛ,

Ejakaa e nyagbe su si ta.

E teɔ si kɛ woɔ wɔ daa n’ɔ

Konɛ e kɛ wo wa he gbeye.

Se Yehowa poɔ wa he piɛ;

Wa maa hi e kasa nya,

Bɔ nɛ pee nɛ wa ja lɛ daa.

Wa be e he jee gblegbleegble.

3. Yehowa yeɔ kɛ bua wɔ tsuo

Kɛ guɔ e mumi kɛ Baiblo nɔ.

E ha wɔ e we asafo,

Nɛ e buɔ wa sɔlemi hu tue.

Ke waa kɛ Yehowa nyɛɛ daa,

Wa maa pee nɔ́ nɛ e suɔ,

Wa maa ye lɛ anɔkuale,

Nɛ wa maa ba wa he si daa.