LA 52
Kristofohi A He Nɔ Jɔɔmi
-
1. Yehowa ji nɔ nɛ e bɔ
Je kɛ e mi ní tsuo.
E nine nya ní tsumi ji
Hiɔwe kɛ zugba tsuo.
Wami tsuo je Yehowa ngɔ.
E tsɔɔ bɔ níhi tsuo
Kaa e sa kaa a je e yi daa,
Konɛ a ja lɛ pɛ daa.
-
2. Yesu ha a baptisi lɛ,
Nɛ́ e pee nɔ́ nɛ da.
E sɔle ha Yehowa ke:
‘Ma pee nɔ́ nɛ o suɔ.’
E je kpo ngɛ Yɔdan mi kaa
Bi nɛ a pɔ lɛ nu,
Nɛ e sɔle ha Yehowa ke:
‘Ha a pee nɔ́ nɛ o suɔ.’
-
3. Wa baa o hɛ mi Yehowa,
Nɛ wa jeɔ o yi daa.
Wa je wa tsui mi kua wa he,
Nɛ wa jɔɔ wa he nɔ.
O kɛ o Bi Kristo ha wɔ,
E he wɔ jua wawɛ.
Wa be wa suɔmi nya ní pee hu,
Nɔ́ nɛ o suɔ wa maa pee.
(Moo hyɛ Mat. 16:24; Maak. 8:34; Luka 9:23 hulɔ.)