1. Kristo tsɔɔ wɔ blɔ nɛ waa gu nɔ kɛ fiɛɛ.

E kɛ blɔ tsɔɔmi ha wɔ kaa:

‘Nyɛ ya hla tsui kpakpatsɛmɛ a se blɔ,

Kɛ nimli nɛ a suɔ Yehowa.

Ke nyɛ sɛ we ko mi, nyɛ nga nɔ tsuaa nɔ,

Nɛ nyɛɛ ba Mawu jɔɔmi ha mɛ.

Ke ni komɛ bui nyɛ tue, nɛ a fie nyɛ,

Nyɛ blɛ nyɛ nane si nɛ nyɛɛ je.’

2. Nimli nɛ buɔ wɔ tue buɔ Kristo hu tue.

Mawu ma bli a juɛmi nya.

Neneene wami nɛ a suɔ kaa a ná

Ma ha nɛ a sɔmɔ Yehowa.

Ko gba o he nya kaa mɛni o ma de,

Mawu maa tsɔɔ mo nɔ́ nɛ o de.

Ke wa ha nɛ wa nya mi munyu he tsɔ,

He si bali tsuo maa bu wɔ tue.