Nihi fuu hyɛɛ blɔ kaa, a kɛ nimli slɔɔtohi tsuo maa hi si saminya ngɛ ma nɛ a je mi ɔ tsuo se, se a blɔ hyɛmi nɛ ɔ bɛ mi gblee.

•   “Ngɛ je ɔ mi he fɛɛ he ɔ, nɔ hɛ mi hyɛmi pee kaa duɔ ko nɛ e ngɛ blɔ nya tomihi, kuuhi kɛ adesahi a si himi puɛe. Nɔ hɛ mi hyɛmi ya nɔ nɛ e ha nɛ nihi kɛ a sibi yi ngɛ blɔ nɛ da nɔ.”​—António Guterres, UN Secretary-General.

 Anɛ be ko maa su nɛ nɔ hɛ mi hyɛmi be si hie hu, nɛ nihi kɛ a sibi maa hi si saminya lo? Mɛni Baiblo ɔ de?

 Baiblo ɔ tsɔɔ wɔ bɔ nɛ Mawu naa nihi nɛ a je ma slɔɔtohi a nɔ ɔ ha.

•   “Nɔmlɔ kake mi nɛ [Mawu] je kɛ pee ma fɛɛ ma kɛ e mi nimli konɛ a hi si ngɛ zugba a nɔ tsuo.”​—Ní Tsumi 17:26.

•   “Mawu hlɛ nɔ mi, mohu ɔ, ngɛ ma fɛɛ ma mi ɔ, nɔ fɛɛ nɔ nɛ e yeɔ lɛ gbeye nɛ e peeɔ nɔ́ nɛ da a, e kplɛɛɔ e nɔ.”​—Ní Tsumi 10:34, 35.

 Baiblo ɔ ha nɛ wa le kaa adesahi tsuo je weku kake mi, nɛ Mawu kplɛɛ nihi nɛ a je ma fɛɛ ma mi ɔ a nɔ.

 Mawu Matsɛ Yemi ɔ nɛ ji hiɔwe nɔ yemi ɔ ma ha nɛ nihi kɛ a sibi maa hi si saminya nɛ a be nɔ ko bue kaa e ba si loo e nɔ kuɔ pe ni kpahi. Nɔ yemi nɛ ɔ maa tsɔɔ nihi bɔ nɛ a kɛ a sibi maa hi si saminya ha. Nihi maa kase bɔ nɛ a ma je nɔ hɛ mi hyɛmi su kɛ je a mi ha.

•   “[Je ɔ] maa le nɔ́ nɛ ji dami sane yemi.”​—Yesaya 26:9.

•   “Dami sane nɛ ɔ kɛ tue mi jɔmi maa ba, nɛ a ma na he jɔmi kɛ maa ya neneene.”​—Yesaya 32:17.

 Mwɔnɛ ɔ, nihi ayɔhi abɔ ngɛ bɔ nɛ a kɛ nihi maa hi si ngɛ bumi mi ha a he ní kasee ngɛ Baiblo ɔ mi.

•   Ke o suɔ nɛ o kase babauu ɔ, moo kane Awake! womi tɛtlɛɛ nɛ e yi ji “Is There a Cure for Prejudice?”

•   Moo kane munyu nɛ ji “Talking to Children About Racism” konɛ o na blɔ nɔ nɛ fɔli maa gu nɛ a kɛ a bimɛ maa sɛɛ munyu nɛ ɔ he ní ngɛ we mi.