Ma Hɛ Mi Nyɛɛli Nɛ A Yi Anɔkuale—Nɔ́ Nɛ Mawu Matsɛ Yemi ɔ Maa Pee
Nihi suɔ ma hɛ mi nyɛɛli nɛ a ma nyɛ ma he mɛ maa ye; ma hɛ mi nyɛɛli nɛ a yi anɔkuale ɔ a sane ba gbe a nya. Níhi a mi hlami ko nɛ a pee ngɛ je kɛ wɛ, nɛ́ a bɔ he amaniɛ ngɛ jeha 2023 ɔ mi ɔ tsɔɔ kaa, ma hɛ mi nyɛɛli ji nihi nɛ nihi fuu he we mɛ yi kulaa. a
Baiblo ɔ tu nɔ yemi ko he munyu, nɛ nɔ nɛ maa nyɛɛ hɛ mi ɔ ji nɔ ko nɛ a ma nyɛ maa ngɔ hɛ kɛ fɔ e nɔ kulaa, nɛ e yeɔ anɔkuale, nɛ e be nyɛe maa sisi nɔ loo e maa ye lakpa. Nɔ yemi nɛ ɔ ji Mawu Matsɛ Yemi ɔ nɛ, nɛ Hɛ Mi Nyɛɛlɔ ngɛ nɔ yemi nɛ ɔ nya a ji Yesu Kristo.—Yesaya 9:7.
Yesu ngɔ e ní peepee kɛ tsɔɔ kaa e susuɔ nihi a he wawɛɛ. (Mateo 9:35, 36) E be kɛe nɛ Yesu nɛ́ ji Mawu Matsɛ Yemi ɔ nya Matsɛ ɔ ma ha nɛ a ye dami sane, nɛ e ma ha nɛ nihi tsuo nɛ a fĩɔ e nɔ yemi ɔ se ɔ ma ná tue mi jɔmi.—La 72:12-14.
a 2023 Edelman Trust Barometer Global Report.