Ngɛ May 19, 2022 ɔ, kuu nɛ ji United Nations Security Council (Je Ma Amɛ A Kake Peemi He Piɛ Pomi Ajla Toli ɔ) nu kɛ je ma nikɔtɔmahi nɛ a hiɛ pe 75 a ngɔ kaa, “COVID-19 hiɔ ɔ kɛ kɔɔhiɔ mi tsakemi ɔ ha nɛ niye ní nɔ ngɛ gbɔe ngɛ je ɔ mi tsuo, nɛ ta nɛ ngɛ nɔ yae ngɛ Ukraine ɔ ha nɛ niye ní nɔ ngɛ gbɔe wawɛɛ nɛ enɛ ɔ ma ha nɛ hwɔ nɛ nya wa maa ba ngɛ he komɛ.” Be bɔɔ se ɔ, womi ko nɛ ji The Economist ɔ tsɔɔ kaa “ta nɛ a ngɛ hwue ɔ he je ɔ, hwɔ maa ye nihi fuu ngɛ je nɛ nyagbahi hyi lɛ tɔ momo nɛ ɔ mi.” Baiblo ɔ gba kɛ fɔ si kaa niye ní he nyagba maa ba ngɛ wa be nɛ ɔ mi, se kɛ̃ ɔ, e ya nɔ nɛ e ha wɔ níhi nɛ maa ye bua wɔ konɛ wa nyɛ nɛ waa da nya.

•    Yesu gba kɛ fɔ si ke: “Ma maa te si ngɔ wo ma nɛ matsɛ yemi maa te si ngɔ wo matsɛ yemi, nɛ hwɔ maa ba.”​—Mateo 24:7.

•    Kpo Jemi womi ɔ tu okadi peemi okpɔngɔ nɔ hili eywiɛ komɛ a he munyu. Nɔ kake daa si ha ta hwumi. Nɔ nɛ nyɛɛ e se ɔ daa si kɛ ha hwɔ nɛ maa ba, nɛ́ ji be nɛ e he maa wa kaa nɔ ko ma ná niye ní, nɛ́ niye ní hu he jua maa wa wawɛɛ. “I na okpɔngɔ yumu ko, nɛ nɔ nɛ e hii si ngɛ nɔ ɔ hɛɛ susumi nɔ́ ko ngɛ e dɛ mi. I nu nɛ nɔ́ ko pɛ kaa adesa gbi . . . E de ke, ‘O kɛ ligbi kake hiɔwo ma he ngma kwat kake! Nɛ o kɛ ligbi kake hiɔwo ma he akoko kwat etɛ.’”​—Kpo Jemi 6:5, 6, Contemporary English Version.

 Baiblo mi gbami nɛ ɔmɛ nɛ kɔɔ hwɔ nɛ maa ba a he ɔ ngɛ mi bae wawɛɛ amlɔ nɛ ɔ ngɛ be nɛ Baiblo ɔ tsɛɛ ke “nyagbe ligbi ɔmɛ a mi ɔ.” (2 Timoteo 3:1) Ke o suɔ nɛ o le níhi fuu kɛ kɔ “nyagbe ligbi ɔmɛ” kɛ okpɔngɔ nɔ hili eywiɛ ɔmɛ nɛ́ Kpo Jemi womi ɔ tu a he munyu ɔ, hyɛ video nɛ ji The World Has Changed Since 1914 nɛ o kane munyu nɛ ji “Okpɔngɔ Nɔ Hili Eywiɛ Ɔmɛ​—Mɛnɔmɛ Ji Mɛ?”

•    Ga womi kpakpahi ngɛ Baiblo ɔ mi, nɛ a ma nyɛ maa ye bua wɔ kɛ da si fɔfɔɛhi nɛ a mi wa, nɛ́ ekomɛ ji, hwɔ kɛ niye ní he jua nɛ ngɛ wae ɔ nya. Moo hyɛ nɔ hyɛmi ní komɛ nɛ ngɛ munyu nɛ ji “How to Live on Less” ɔ mi.

•    Baiblo ɔ haa wɔ hɛ nɔ kami kaa níhi maa hi hwɔɔ se. E wo si kaa be maa ba nɛ ‘zugba a maa ba ní saminya,’ nɛ nɔ fɛɛ nɔ ma ná niye ní babauu maa ye. (La 72:16) Ke o suɔ nɛ o le níhi fuu kɛ kɔ hɛ nɔ kami nɛ Baiblo ɔ ngɛ kɛ ha wɔ hwɔɔ se kɛ nɔ́ he je nɛ wa ma nyɛ maa ngɔ wa hɛ kɛ fɔ nɔ ɔ, moo kane munyu nɛ ji “A Real Hope for a Better Tomorrow.”