Ngɛ je ɔ mi tsuo ɔ, e he waa ha nihi fuu kaa a ma ná sika nɛ maa su mɛ kɛ hyɛ a he, nɛ nyagba nɛ ɔ mi ngɛ wae wawɛɛ.

•   Ngɛ je kɛ wɛ amaniɛ bɔmi ko nɛ ba lingmi nɛ ɔ mi ɔ, a a tsɔɔ kaa, “sika nɛ nihi a nine suɔ nɔ daa nyɔhiɔ ɔ, níhi bɔɔ pɛ nɛ a nyɛɔ kɛ heɔ.” A de ngɛ amaniɛ bɔmi ɔ mi kaa, ke a pee we si fɔfɔɛ nɛ ɔ he nɔ́ ko ɔ “nihi nɛ a ji niatsɛmɛ ɔ maa ya nɔ ma ná sika fuu, nɛ jamɛ a be ɔ mi nɔuu ɔ, nihi nɛ a ji ohiatsɛmɛ ɔ hu maa ye ohia wawɛɛ,” nɛ “ní tsuli fuu kɛ a weku ɔmɛ be nyɛe ma ná si himi ɔ mi níhi nɛ a náa kɛ hyɛɛ a he be ko nɛ be ɔ hu.”

 Anɛ nɔ yemi ɔmɛ ma nyɛ ma tsu sika he nyagba nɛ ɔ he ní, loo á ha nɛ níhi a mi nɛ hi kɛkɛ po lo?

 Baiblo ɔ tsɔɔ kaa nɔ yemi ko ngɛ nɛ́ ma nyɛ ma tsu sika he nyagbahi tsuo, nɛ́ sika nɛ a náa kɛ beɔ nɔ, kɛ ohia nɛ a yeɔ wawɛɛ hu piɛɛ he ɔ he ní, nɛ e maa pee jã hulɔ. E de ke, “Mawu nɛ ngɛ hiɔwe ɔ maa to matsɛ yemi ko sisi.” Nɔ yemi kake nɛ ɔ pɛ lɛ ma nyɛ ma tsu nyagbahi tsuo nɛ a ngɛ zugba a nɔ ɔ he ní. (Daniel 2:44) Ngɛ nɔ yemi nɛ ɔ sisi ɔ, nɔ ko nɔ ko be nɛ́ hɛ maa je e nɔ, loo a ma kua lɛ. (La 9:18) Nihi tsuo nɛ a maa hi nɔ yemi nɛ ɔ sisi ɔ, ma ná nɔ́ fɛɛ nɔ́ nɛ a hia a, nɛ a bua maa jɔ. Nɔ fɛɛ nɔ ma ná ní tsumi nɛ́ e ma tsu ɔ he se.​—Yesaya 65:21, 22.