Fiɛɛli fuu ngɔɔ JW Library^® ɔ kɛ dlaa a he kɛ haa asafo mi kpehi, nɛ a bua jɔ bɔ nɛ link ɔmɛ kɛ nɔ yaa Hwɔɔmi Mɔ ɔ mi ní kasemi ɔmɛ a mi tɛɛ ɔ he wawɛɛ. Se behi fuu ɔ, a kɛ munyu kpahi woɔ Hwɔɔmi Mɔ ɔ nɔ́ nɛ a kaseɔ ɔ mi, nɛ lɔ ɔ hu ji mumi mi niye ní nɛ wa náa he se. Kɛ o ma plɛ kɛ na munyu nɛ ɔmɛ ngɛ JW Library ɔ nɔ nɛ o kane ha kɛɛ?

• Ngɛ Hwɔɔmi Mɔ ɔ ní kasemi ɔ eko fɛɛ eko sisi ɔ, o maa na munyuyi ko nɛ ji “Additional Reading.” Lɔ ɔ se ɔ, o maa na link nɛ ji “Other articles in this issue” ngɛ e sisi. Moo hyɛ mi ní blɔ he ɔ, nɛ o maa na munyuyi ɔmɛ eko fɛɛ eko kɛ ní kasemi ɔ nɔma. Moo nyɛ munyu kpahi nɛ ngɛ mi nɛ o suɔ kaa o maa kane ɔ nɔ.

• Ngɛ sisije blɔ he ɔ ngɛ JW Library ɔ nɔ ɔ, o maa na blɔ he nɛ ji, “What’s New” ɔ. O ma nyɛ maa gbla Hwɔɔmi Mɔ ɔ ehe nɛ maa ba a eko ngɛ lejɛ ɔ. Mo bli Hwɔɔmi Mɔ ɔ nɛ o gbla a, nɛ o hyɛ níhi nɛ ngɛ mi ɔ konɛ o ná munyuhi tsuo nɛ a ngɛ mi ɔ he se.