Yesu muɔ nɛ e kɛ sã afɔle ɔ nɔ pɛ lɛ a ma nyɛ maa gu kɛ ngɔ wa he yayami ɔmɛ kɛ ke wɔ. (Efe. 1:7) Se kɛ̃ ɔ, Baiblo ɔ de ke: “[Mawu] ná nihi a he tsui nɛ e ngɔ yayamihi nɛ a pee blema a kɛ pa” mɛ, nɛ ji yayamihi nɛ adesahi pee loko Yesu ngɔ kpɔmi nɔ́ ɔ kɛ ha a. (Rom. 3:25) Mɛni blɔ nɔ Yehowa maa gu kɛ pee jã, nɛ́ loloolo ɔ, e ya nɔ nɛ e ye dami sane?

Yehowa wo si kaa e maa ngɔ “nina” ko kɛ ha, nɛ e ma kpɔ̃ nihi nɛ a ma ná hemi kɛ yemi ngɛ e mi ɔ. Benɛ Yehowa wo si nɛ ɔ, e ngɛ kaa nɔ́ nɛ e ngɔ kpɔmi nɔ́ ɔ kɛ ha momo. (1 Mose 3:15; 22:18) Yehowa ngɛ nɔ mi mami kaa ngɛ be nɛ sa mi ɔ, e Bi nɛ e fiɛ we e he ɔ maa je e tsui mi nɛ e maa ngɔ e wami kɛ ha kaa kpɔmi nɔ́. (Gal. 4:4; Heb. 10:​7-10) Yesu ba zugba a nɔ kaa Mawu nane mi dalɔ. Se loko e maa ngɔ e wami kɛ sã afɔle po ɔ, e ngɔ nihi a tɔmihi kɛ ke mɛ, ejakaa e ngɛ nyɛmi ɔ nɛ e kɛ maa pee jã. Yesu nyɛ nɛ e ngɔ nihi nɛ a ngɛ hemi kɛ yemi ɔ a tɔmi kɛ ke mɛ, ejakaa e le kaa e we afɔle sami ɔ ma ha nɛ a ngɔ jamɛ a ni ɔmɛ a he yayami kɛ ke mɛ.—Mat. 9:​2-6.