HWƆƆMI MƆ—NƆ́ NƐ A MAA KASE October 2016
Munyuhi nɛ a maa kase kɛ je November 28 to December 25, 2016.
NƆ HE SANE
I Bɔ Mɔde Nɛ I Pee Nɔ Hyɛmi Nɔ́ Kpakpa Kaa Bɔ Nɛ Ni Kpahi Pee Kɛ Ha Mi ɔ
Ke Kristofohi nɛ ngɛ níhi a si kpami ɔ wo nihi he wami ɔ, e maa ye bua mɛ konɛ a su otihi nɛ a kɛ ma a hɛ mi ɔ he. Thomas McLain tsɔɔ bɔ nɛ ni kpahi pee nɔ hyɛmi nɔ́ kpakpa ha lɛ, kɛ bɔ nɛ lɛ hu e bɔ mɔde nɛ e ye bua ni kpahi.
“Nyɛ Ko Jɔɔ Nibwɔhi Kpakpa Peemi”
Kɛ Mawu naa nibwɔhi ha kɛɛ? Mɛni o ma nyɛ maa pee kɛ ye bua nihi nɛ a je ma se ɔ konɛ a hɛ nɛ mwɔ si ngɛ o we asafo ɔ mi?
Ha Huɛ Bɔmi Kpakpa Nɛ Hi O Kɛ Mawu Nyɛ Kpɛti Ke O Ngɛ Sɔmɔe Ngɛ Asafo Nɛ A Tuɔ Gbi Kpa Mi
E sa nɛ Kristofohi tsuo nɛ a bɔ mɔde wawɛɛ nɛ a po huɛ bɔmi nɛ ngɛ a kɛ Mawu a kpɛti ɔ he piɛ. Se kɛ̃ ɔ, ke o ngɛ sɔmɔe ngɛ asafo nɛ a tuɔ gbi kpa mi ɔ, o kɛ nyagba kpahi hu kpeɔ.
Anɛ O ‘Ngɔɔ Juɛmi Kɛ Toɔ Saminya’ Lo?
Mɛni ha nɛ e slo juɛmi ngɛ nile kɛ nɔ́ sisi numi he ɔ? Ke wa le slɔɔto nɛ ngɛ a kpɛti ɔ, wa ma ná he se wawɛɛ.
Mo Ha Hemi Kɛ Yemi Nɛ O Ngɛ Ngɛ Níhi Nɛ O Ngɛ Blɔ Hyɛe ɔ Mi ɔ Mi Nɛ Wa
Nihi nɛ a hi si blema a, kɛ nihi nɛ a ngɛ mwɔnɛ ɔ a hemi kɛ yemi ɔ ma nyɛ maa wo wɔ he wami. Mɛni o ma nyɛ maa pee konɛ o hemi kɛ yemi ɔ mi nɛ wa?
Mo Ná Hemi Kɛ Yemi Ngɛ Yehowa Si Womi Ɔmɛ A Mi
Mɛni tutuutu ji hemi kɛ yemi? Nɛ mɛni blɔ nɔ wa ma nyɛ maa gu kɛ tsɔɔ kaa wa ngɛ hemi kɛ yemi?
Anɛ O Le Lo?
Ngɛ kaseli ɔmɛ a be ɔ mi ɔ, jije Roma bi ɔmɛ ha Yuda nikɔtɔma amɛ nɛ a ngɛ Yudea a he blɔ kɛ ya su? Nɛ anɛ e ji anɔkuale kaa blema a, nɔ ko ma nyɛ maa je blɔ nɛ e ya du hu kɛ wo nɔ ko ngmɔ mi lo?
