NÍ KASEMI 42
Ye Bua O Baiblo Kaseli Nɛ A Ya A Hɛ Mi Kɛ Su Baptisimi He—Fã Enyɔ
“Be fɛɛ be ɔ, hyɛ mo nitsɛ o he nɔ kɛ o ní tsɔɔmi ɔ hu nɔ saminya.”—1 TIM. 4:16.
LA 77 La Ngɛ Kpɛe Ngɛ Je Nɛ E Mi Wo Diblii ɔ Mi
NƆ́ NƐ WA MAA KASE *
1. Mɛni he je nɛ wa ma nyɛ ma de kaa kaselɔ peemi ní tsumi ɔ heɔ nihi a yi wami ɔ?
KASELƆ peemi ní tsumi ɔ heɔ nihi a yi wami! Mɛni blɔ nɔ wa gu kɛ le enɛ ɔ? Fami nɛ Yesu kɛ ha nɛ a ngma ngɛ Mateo 28:19, 20 ɔ de ke: “Nyɛɛ ya nɛ nyɛ ya pee nihi . . . kaseli, nyɛɛ baptisi mɛ.” Mɛni he je nɛ baptisimi he hia? Ke nɔ ko suɔ nɛ a he e yi wami ɔ, jã e ha nɛ a baptisi lɛ. Ke nɔ ko suɔ nɛ a baptisi lɛ ɔ, e sa nɛ e kplɛɛ nɔ kaa Yesu kpɔmi afɔle sami ɔ pɛ nɔ a ma nyɛ maa gu kɛ ha wɔ neneene wami. Enɛ ɔ he je nɛ bɔfo Petro de e nyɛmimɛ Kristofohi ke: “Amlɔ nɛ ɔ, baptisimi ngɛ nyɛ hu nyɛ yi wami hee . . . kɛ gu Yesu Kristo si tlemi ɔ nɔ” ɔ nɛ. (1 Pet. 3:21) Lɔ ɔ he ɔ, ke Baiblo kaselɔ ko ha nɛ a baptisi lɛ ɔ, lɔ ɔ ma nyɛ ma bli blɔ ha lɛ nɛ e ná neneene wami.
2. Ngɛ 2 Timoteo 4:1, 2 ɔ nya a, mɛni tsɔɔli nɛ e sa nɛ waa pee?
2 Loko wa ma nyɛ maa pee nihi kaseli ɔ, jã wa kase “ní tsɔɔmi he ga lemi.” (Kane 2 Timoteo 4:1, 2.) Mɛni he je? Ejakaa Yesu fã wɔ ke: “Nyɛɛ ya nɛ nyɛ ya pee nihi . . . kaseli, . . . nyɛɛ tsɔɔ mɛ” ní. Bɔfo Paulo tsɔɔ kaa waa “hɛɛ” ní tsumi nɛ ɔ mi, ‘ejakaa ke wa peeɔ jã a, wa ma he wɔ nitsɛmɛ kɛ nihi nɛ a buɔ wɔ tue ɔmɛ a yi wami.’ Enɛ ɔ ha nɛ wa na nɔ́ he je nɛ e de ke: “Be fɛɛ be ɔ, hyɛ . . . o ní tsɔɔmi ɔ hu nɔ saminya” a nɛ. (1 Tim. 4:16) Akɛnɛ kaselɔ peemi ní tsumi ɔ kɛ ní tsɔɔmi ngɛ tsakpa he je ɔ, e sa nɛ waa bɔ mɔde nɛ wa ha nɛ wa ní tsɔɔmi nɛ nu tso.
3. Ngɛ ní kasemi nɛ ɔ mi ɔ, mɛni he wa ma susu ngɛ Baiblo mi ní kasemi peemi he?
3 Waa kɛ nihi ayɔhi abɔ ngɛ Baiblo ɔ mi anɔkuale ɔmɛ kasee ngɛ je kɛ wɛ. Se kaa bɔ nɛ wa na ngɛ ní kasemi nɛ sɛ hlami ɔ
mi ɔ, wa suɔ nɛ waa le nɔ́ nɛ wa ma nyɛ maa pee kɛ ye bua wa Baiblo kaseli ɔmɛ nɛ a ba pee Yesu Kristo kaseli nɛ a baptisi mɛ. Ngɛ ní kasemi nɛ ɔ mi ɔ, wa maa na ní enuɔ komɛ hu nɛ e sa nɛ tsɔɔlɔ fɛɛ tsɔɔlɔ nɛ pee konɛ e ye bua e Baiblo kaselɔ nɛ e su baptisimi he.MOO NGƆ BAIBLO Ɔ KƐ TSƆƆ NÍ
4. Mɛni he je nɛ e sa nɛ Baiblo tsɔɔlɔ nɛ ye e he nɔ ke e kɛ nɔ ko ngɛ Baiblo ɔ kasee ɔ? (Hyɛ sisi ningma a hulɔ.)
4 Wa bua jɔ níhi nɛ wa tsɔɔ nihi ngɛ Mawu Munyu ɔ mi ɔ a he. Enɛ ɔ ma nyɛ ma ha nɛ waa tu ní nɛ ɔmɛ a he munyu fuu. Se kɛ̃ ɔ, ke Hwɔɔmi Mɔ ɔ Mi Ní Kasemi ɔ loo Asafo Baiblo Mi Ní Kasemi ɔ nɔ wa ngɛ hyɛe jio, waa kɛ nɔ ko ngɛ Baiblo ɔ kasee ngɛ e we mi jio, e sɛ nɛ ní kasemi nɔ hyɛlɔ ɔ nɛ e tu munyu fuu. Loko tsɔɔlɔ ɔ ma nyɛ maa ngɔ Baiblo ɔ kɛ tsɔɔ ní ɔ, jã e ye e he nɔ, nɛ́ e de we nɔ́ fɛɛ nɔ́ nɛ e le ngɛ nɔ́ nɛ e ngɛ tsɔɔe ɔ he. * (Yoh. 16:12) Moo ngɔ Baiblo mi anɔkualehi nɛ o le loko a baptisi mo ɔ kɛ to nɔ́ nɛ o le amlɔ nɛ ɔ he nɛ o hyɛ. Eko ɔ, Baiblo sisije tsɔɔmi ɔmɛ pɛ nɛ o nu sisi jamɛ a be ɔ. (Heb. 6:1) E he mo jehahi abɔ kɛ kase níhi nɛ o le amlɔ nɛ ɔ, lɔ ɔ he ɔ, koo bɔ mɔde kaa o maa tsɔɔ o Baiblo kaselɔ ɔ níhi tsuo nɛ o le ɔ si kake.
5. (a) Kaa bɔ nɛ 1 Tɛsalonika Bi 2:13 ɔ tsɔɔ ɔ, mɛni wa suɔ nɛ wa Baiblo kaselɔ ɔ nɛ e le ngɛ nɔ́ nɛ e ngɛ kasee ɔ he? (b) Mɛni wa ma nyɛ maa pee kɛ wo wa Baiblo kaselɔ ko he wami konɛ e kɛ nihi nɛ sɛɛ níhi nɛ e ngɛ kasee ɔ he ní?
5 Wa suɔ nɛ wa Baiblo kaselɔ ɔ nɛ nu sisi kaa nɔ́ nɛ e ngɛ kasee ɔ je Mawu Munyu nɛ a je mumi mi kɛ ngma a mi. (Kane 1 Tɛsalonika Bi 2:13.) Mɛni blɔ nɔ wa maa gu kɛ pee jã? Moo wo Baiblo kaselɔ ɔ he wami nɛ e kɛ nihi nɛ sɛɛ níhi nɛ e ngɛ kasee ɔ a he ní. Mo ha nɛ e tsɔɔ mo ngmami komɛ a sisi mohu pe nɛ o maa tsɔɔ lɛ be fɛɛ fɛɛ. Moo ye bua Baiblo kaselɔ ɔ nɛ e le bɔ nɛ e kɛ Mawu Munyu ɔ ma tsu ní ha ngɛ e si himi mi. Mo bi lɛ sanehi nɛ ma ha nɛ e tsɔɔ e juɛmi ngɛ ngmamihi nɛ nyɛ kaneɔ ɔ he. (Luka 10:25-28) Kaa nɔ hyɛmi nɔ́ ɔ, mo bi lɛ ke: “Yehowa su te nɛɛ nɛ ngmami nɛ ɔ ye bua mo nɛ o na?” “Kɛ Baiblo mi anɔkuale nɛ ɔ maa ye bua mo ha kɛɛ?” “Kɛ nɔ́ nɛ o ba kase nɛ ɔ ha nɛ o nuɔ he ha kɛɛ?” (Abɛ 20:5) Mo kai kaa tsa pi níhi abɔ nɛ Baiblo kaselɔ ko le ɔ nɛ he hia, mohu ɔ, bɔ nɛ e suɔ nɔ́ nɛ e le ɔ kɛ bɔ nɛ e kɛ nɔ́ nɛ e le ɔ tsuɔ ní ha a lɛ hia.
6. Mɛni he je nɛ e he maa hia kaa wa ha nɛ fiɛɛlɔ ko nɛ ngɛ níhi a si kpami nɛ piɛɛ wa he ke waa kɛ nɔ ko yaa kase Baiblo ɔ?
6 Ke o kɛ o Baiblo kaseli yaa kase ní ɔ, anɛ o kɛ fiɛɛli nɛ a ngɛ níhi a si kpami ɔ piɛɛ o he kɛ yaa lo? Ke o peeɔ jã a, o ma nyɛ ma bi mɛ Ní Tsumi 18:24-26 he.) Lɔ ɔ se ɔ, bi fiɛɛlɔ nɛ ngɛ níhi a si kpami ɔ nɛ e ha nɛ o le ke ji Baiblo kaselɔ ɔ ngɛ níhi a sisi nue loo e nui sisi. Jehanɛ hu ɔ, ke si fɔfɔɛ ko he je nɛ o be nyɛe maa ya lejɛ ɔ otsi loo otsi kɛ se ɔ, mo ha nɛ fiɛɛlɔ ɔ nɛ ya tsa ní kasemi ɔ nɔ ha mo. Lɔ ɔ ma ha nɛ ní kasemi ɔ nɛ ya nɔ be fɛɛ be, nɛ Baiblo kaselɔ ɔ maa na se nami nɛ ngɛ ní nɛ e ngɛ kasee ɔ he. Ko susu kaa mo pɛ nɛ e sa nɛ o kɛ Baiblo kaselɔ ɔ nɛ kase ní. Nɔ́ nɛ o ngɛ hlae ji kaa ní kasemi ɔ nɛ tsa nɔ, nɛ Baiblo kaselɔ ɔ nɛ le Baiblo mi anɔkualehi fuu.
nɛ a de mo a susumi ngɛ bɔ nɛ o peeɔ Baiblo mi ní kasemi ha a he, nɛ́ a ha nɛ o le kaa o kɛ Baiblo ɔ ngɛ ní tsue saminya loo o pee we jã. Ke a ha nɛ o le kaa e sa nɛ o pee tsakemi komɛ ngɛ bɔ nɛ o kɛ nihi kaseɔ Baiblo ɔ ha a mi ɔ, moo je he si bami mi kɛ pee jã. (Kɛ toO KƐ BUA JƆMI KƐ NƆ MI MAMI NƐ TSƆƆ NÍ
7. Mɛni ma ha nɛ Baiblo kaselɔ ko bua nɛ jɔ níhi nɛ e ngɛ kasee ɔ a he?
7 Ha nɛ o Baiblo kaselɔ ɔ nɛ na kaa o bua jɔ níhi nɛ o tsɔɔ ɔ a he, nɛ o he ye hulɔ. (1 Tɛs. 1:5) Ke o pee jã a, e bua maa jɔ níhi nɛ e ngɛ kasee ɔ a he. Ke e maa hi ɔ, mo de lɛ bɔ nɛ Baiblo sisi tomi mlaahi nɛ o kɛ tsuɔ ní ɔ ye bua mo ha, kɛkɛ ɔ, e ma ba yɔse kaa ga womi kpakpahi ngɛ Baiblo ɔ mi nɛ ma nyɛ maa ye bua lɛ hulɔ.
8. Mɛni nɔ́ kpa ko hu o ma nyɛ maa pee kɛ ye bua o Baiblo kaselɔ, nɛ mɛni he je nɛ o maa suɔ nɛ o pee jã?
8 Ke o kɛ o Baiblo kaselɔ ko ngɛ ní kasee ɔ, mo de lɛ nyagba komɛ nɛ nyɛmimɛ komɛ kɛ kpe nɛ ngɛ kaa e nɔ́ ɔ, nɛ́ o tsɔɔ lɛ blɔ nɔ nɛ a gu kɛ da nya. O kɛ nyɛmi ko nɛ o kɛ lɛ ngɛ asafo mi nɛ e níhi a si kpami ma nyɛ maa ye bua ní kaselɔ ɔ nɛ piɛɛ o he kɛ ya ní kaselɔ ɔ ngɔ. Jehanɛ hu ɔ, o ma nyɛ ma de lɛ nyɛmimɛ a níhi a si kpami kpakpahi nɛ ngɛ jw.org ɔ nɔ ngɛ “Baiblo ɔ Tsakeɔ Nihi A Si Himi” * blɔ he ɔ ekomɛ. Níhi a si kpamihi kɛ videohi nɛ ngɛ lejɛ ɔ maa ye bua o Baiblo kaselɔ ɔ nɛ e maa na se nami nɛ ngɛ Baiblo sisi tomi mlaahi nɛ e kɛ ma tsu ní ɔ a he.
9. Mɛni o ma nyɛ maa pee kɛ ye bua Baiblo kaselɔ ko nɛ e kɛ e weku li kɛ e huɛmɛ nɛ sɛɛ níhi nɛ e ngɛ kasee ɔ a he ní?
9 Ke o Baiblo kaselɔ ɔ sɛ gba si himi mi ɔ, anɛ e huno ɔ aloo e yo ɔ hu ha nɛ a kɛ lɛ ngɛ Baiblo ɔ kasee lo? Ke e pee we jã lolo ɔ, moo fɔ lɛ nine konɛ e piɛɛ nyɛ he kɛ kase ní ɔ. Moo wo o Baiblo kaselɔ ɔ he wami nɛ e kɛ Yoh. 1:40-45) Mɛni blɔ nɔ o maa gu kɛ pee jã? O ma nyɛ ma bi lɛ ke: “Kɛ o ma gba nɔ́ nɛ ɔ mi kɛ tsɔɔ o weku ɔ ha kɛɛ?” aloo “Mɛni ngmami o kɛ maa ma sane nɛ ɔ nɔ mi kɛ ha o huɛ ko?” Jã nɛ o maa pee ɔ maa ye bua o Baiblo kaselɔ ɔ konɛ lɛ hu e ba pee tsɔɔlɔ. Lɔ ɔ se ɔ, ke e he su kɛ ha fiɛɛmi yami ɔ, e ma nyɛ maa piɛɛ asafo ɔ he kɛ ya fiɛɛmi kaa fiɛɛlɔ nɛ a baptisii we lɛ. O ma nyɛ ma bi Baiblo kaselɔ ɔ kaa e le nɔ ko nɛ maa suɔ nɛ a kɛ lɛ nɛ kase Baiblo ɔ lo. Ke e tsɔɔ mo nɔ ko ɔ, o kɛ nɔ ɔ nɛ sɛɛ ní nɔuu, nɛ o bi lɛ ke ji e maa suɔ nɛ a kɛ lɛ nɛ kase Baiblo ɔ. Mo je video nɛ ji Kɛ Wa Peeɔ Baiblo Mi Ní Kasemi Ha Kɛɛ? * ɔ kɛ tsɔɔ lɛ.
e weku li kɛ e huɛmɛ nɛ sɛɛ níhi nɛ e ngɛ kasee ɔ a he ní. (MOO WO BAIBLO KASELƆ Ɔ HE WAMI NƐ E KƐ NIHI NƐ A NGƐ ASAFO Ɔ MI Ɔ NƐ BƆ
10. Kaa bɔ nɛ 1 Tɛsalonika Bi 2:7, 8 ɔ tsɔɔ ɔ, ngɛ mɛni blɔ nɔ nɛ Baiblo tsɔɔlɔ ko ma nyɛ maa kase Paulo nɔ hyɛmi nɔ́ ɔ?
10 E sa nɛ tsɔɔli nɛ a tsɔɔ kaa a susuɔ a Baiblo kaseli a he nitsɛnitsɛ. E sa nɛ a na mɛ kaa nihi nɛ a ma ba pee a mumi mi nyɛmimɛ hwɔɔ se. (Kane 1 Tɛsalonika Bi 2:7, 8.) E be gbɔjɔɔ kaa a maa ngmɛɛ huɛmɛ nɛ a ngɛ ngɛ je ɔ mi ɔ a he, nɛ́ a pee tsakemi slɔɔtohi fuu konɛ a ba sɔmɔ Yehowa. Enɛ ɔ he ɔ, e sa nɛ waa ye bua mɛ nɛ a ná huɛmɛ kpakpahi ngɛ asafo ɔ mi. Tsa pi Baiblo ɔ pɛ nɛ o kɛ Baiblo kaselɔ ɔ maa kase, mohu ɔ, o kɛ lɛ nɛ pee huɛ nɛ nyɛɛ pee kake kɛ pee ní kpahi hulɔ. Mo tsɛ lɛ ngɛ fon nɔ, moo mane lɛ sɛ gbi, nɛ́ o ya slaa lɛ be kpahi kɛ tsɔɔ kaa o susuɔ e he wawɛɛ.
11. Mɛni wa suɔ nɛ wa Baiblo kaseli ɔmɛ nɛ a ná ngɛ asafo ɔ mi, nɛ mɛni he je?
11 A pɔɔ demi ke: “Pi nɔ kake nɛ lɛɛ bi.” Wɔ hu wa ma nyɛ ma de ke: “Asafo mluku lɛ yeɔ bua nɔ ko nɛ e ba peeɔ kaselɔ.” Enɛ ɔ he je nɛ Baiblo tsɔɔli kpakpahi haa nɛ a Baiblo kaseli leɔ ni kpahi ngɛ asafo ɔ mi ɔ nɛ, konɛ a ye bua mɛ nɛ a hɛ kɛ su Yehowa he haa. Jã peemi yeɔ bua Baiblo kaselɔ ɔ nɛ e bua jɔɔ he kaa e kɛ Mawu we bi maa bɔ, nɛ nyɛmimɛ ɔmɛ woɔ lɛ he wami, nɛ a yeɔ bua lɛ kɛ daa nyagbahi a nya. Wa suɔ nɛ wa Baiblo kaseli ɔmɛ tsuo nɛ a nu he kaa a piɛɛ asafo ɔ he, nɛ a piɛɛ wa mumi mi weku ɔ he. Wa suɔ nɛ a ba piɛɛ wa weku nɛ suɔmi ngɛ mi ɔ he. Jã nɛ a maa pee ɔ maa ye bua mɛ konɛ a kɛ nihi nɛ a sume Yehowa a nɛ kpa bɔmi. (Abɛ 13:20) Ke a huɛmɛ nɛ a ngɛ je ɔ mi ɔ kua mɛ po ɔ, a ma nyɛ ma ná nɔ mi mami kaa a ngɛ huɛmɛ nitsɛnitsɛ ngɛ Yehowa asafo ɔ mi.—Maak. 10:29, 30; 1 Pet. 4:4.
MOO PƆ HE NƆ JƆƆMI KƐ BAPTISIMI HE MUNYU TUMI
12. Mɛni he je nɛ e sa nɛ waa kɛ wa Baiblo kaselɔ ko nɛ tu Kristofohi a he nɔ jɔɔmi kɛ baptisimi he munyu ɔ?
12 O kɛ o Baiblo kaselɔ ɔ nɛ tu Kristofohi a he nɔ jɔɔmi kɛ baptisimi he munyu faa. E he hia nɛ waa pee jã ejakaa lɔ ɔ ji yi mi tomi he je nɛ waa kɛ nihi kaseɔ Baiblo ɔ. Ke nyɛɛ kɛ nyɔhiɔ bɔɔ komɛ kase Baiblo ɔ, nɛ nyɛ ní kasemi ɔ yaa nɔ saminya, nɛ Baiblo kaselɔ ɔ bɔni asafo mi kpehi yami ɔ, e sa nɛ wa ha nɛ e nu sisi kaa yi mi tomi he je nɛ waa kɛ lɛ ngɛ Baiblo ɔ kasee ji kaa e ba sɔmɔ Yehowa kaa e we Odasefo no.
13. Mɛni níhi nɛ e sa nɛ Baiblo kaselɔ ko nɛ pee konɛ e nyɛ nɛ e su baptisimi he?
13 E sa nɛ Baiblo kaselɔ ko nɛ e pee ní komɛ konɛ e nyɛ nɛ e su baptisimi he. Kekleekle ɔ, e sa nɛ e le Yehowa, e suɔ lɛ, nɛ e he lɛ nɛ e ye. (Yoh. 3:16; 17:3) Jehanɛ hu ɔ, e sa nɛ huɛ bɔmi nɛ hi e kɛ Yehowa a kpɛti, nɛ e kɛ asafo ɔ nɛ bɔni bɔmi. (Heb. 10:24, 25; Yak. 4:8) Lɔ ɔ se ɔ, e sa nɛ e kua su yayahi nɛ e pia e he ngɛ e yayamihi a he. (Nits. 3:19) Se e sa nɛ hemi kɛ yemi nɛ e ná a nɛ ha nɛ e kɛ nihi nɛ sɛɛ anɔkuale ɔ he ní. (2 Kor. 4:13) Lɔ ɔ se ɔ, e sa nɛ e jɔɔ e he nɔ kɛ ha Yehowa, nɛ e kɛ baptisimi nɛ ma e he nɔ jɔɔmi ɔ nɔ mi. (1 Pet. 3:21; 4:2) Ke e pee jã a, hyɛ bɔ nɛ nɔ fɛɛ nɔ bua maa jɔ ha! Ke Baiblo kaselɔ ɔ ngɛ mɔde bɔe konɛ e su oti nɛ ɔmɛ eko fɛɛ eko he ɔ, mo je e yi nɛ o wo lɛ he wami nɛ e tsa nɔ nɛ e pee ní nɛ ɔmɛ.
MOO HYƐ BAIBLO KASELƆ Ɔ MƆDE BƆMI NGƐ BE KƐ BEHI A MI
14. Mɛni tsɔɔlɔ ko ma nyɛ maa pee kɛ hyɛ kaa e Baiblo kaselɔ ko ngɛ e hɛ mi yae?
14 Ke wa ngɛ Baiblo kaselɔ ko ye buae konɛ e jɔɔ e he nɔ nɛ a baptisi lɛ ɔ, e sa nɛ waa to wa tsui si. Se ke e ngɛ mi hluu ɔ, e sa nɛ waa hyɛ kaa e suɔ nɛ e ja Yehowa niinɛ lo. Anɛ o na ní komɛ nɛ tsɔɔ kaa Baiblo kaselɔ ɔ ngɛ Yesu famihi a nɔ yee lo? Aloo e suɔ nɛ e ná Baiblo mi nile kɛkɛ lo?
15. Mɛni maa ye bua tsɔɔlɔ ko nɛ e le ke ji e Baiblo kaselɔ ko ngɛ e hɛ mi yae loo e yɛ e hɛ mi?
15 Be fɛɛ be ɔ, moo hyɛ bɔ nɛ Baiblo kaselɔ ɔ ngɛ hɛ mi yae ha. Kaa nɔ hyɛmi nɔ́ ɔ, anɛ e tsɔɔ bɔ nɛ e suɔ Yehowa ha lo? Anɛ e sɔleɔ kɛ haa Yehowa lo? (La 116:1, 2) Anɛ e bua jɔ Baiblo ɔ kanemi he lo? (La 119:97) Anɛ e baa asafo mi kpe be fɛɛ be lo? (La 22:22) Anɛ e ní peepee tsɔɔ kaa e kɛ nɔ́ nɛ e ngɛ kasee ɔ ngɛ ní tsue lo? (La 119:112) Anɛ e kɛ e weku li kɛ e huɛmɛ sɛɛɔ níhi nɛ e ngɛ kasee ɔ a he ní lo? (La 9:1) Nɛ nɔ́ nɛ he hia pe kulaa a, anɛ e suɔ nɛ e ba pee Yehowa Odasefo no lo? (La 40:8) Ke Baiblo kaselɔ ɔ bɔɛ ní nɛ ɔmɛ eko he mɔde ɔ, moo gu ga blɔ nɔ kɛ bi lɛ sanehi konɛ o le nɔ́ he je, nɛ́ lɔ ɔ se ɔ, o je suɔmi mi nɛ o kɛ lɛ nɛ sɛɛ ní, nɛ o ko laa lɛ níhi a nɔ. *
16. Mɛni ma ha nɛ o kɛ nɔ ko nɛ kpa Baiblo ɔ kasemi?
16 Ngɛ be kɛ behi a mi ɔ, e sa nɛ o hyɛ kaa e he maa hia nɛ o tsa Baiblo mi ní kasemi ko nɔ loo o kpa. Mo bi o he ke: ‘Anɛ Baiblo kaselɔ ɔ dlaa e he kɛ ha ní kasemi ɔ lo? Anɛ e baa asafo mi kpehi lo? Anɛ loloolo ɔ, e jeɔ su yayahi kpo lo? Anɛ e kɛ lakpa jami kpa bɔmi lo?’ Ke heto ɔ ji dɛbi, nɛ loloolo ɔ, o ngɛ ní kasemi ɔ nɔ tsae ɔ, lɛɛ e ngɛ kaa nɔ́ nɛ o ngɛ nɔ ko slemi tsɔɔe be mi nɛ nɔ ɔ sume nɛ e pɔ! Ke Baiblo kaselɔ ɔ bua jɔɛ nɔ́ nɛ e ngɛ kasee ɔ he, nɛ e sume nɛ e pee tsakemi ngɛ e si himi mi ɔ, lɛɛ e he hia we nɛ o kɛ lɛ nɛ tsa ní kasemi ɔ nɔ.
17. Ngɛ 1 Timoteo 4:16 nya a, mɛni e sa nɛ Baiblo tsɔɔli tsuo nɛ a pee?
17 Waa kɛ kaselɔ peemi ní tsumi ɔ fiɛ we kulaa, nɛ wa suɔ nɛ waa ye bua wa Baiblo kaseli nɛ a ya a hɛ mi kɛ su baptisimi he. Enɛ ɔ he je nɛ wa suɔ nɛ waa da Baiblo ɔ nɔ kɛ tsɔɔ nihi ní, nɛ́ waa tsɔɔ kaa wa bua jɔ nɔ́ nɛ wa ngɛ tsɔɔe ɔ he, nɛ wa he ye hulɔ. Wa maa wo Baiblo kaselɔ ɔ he wami nɛ e kɛ nyɛmimɛ nɛ bɔ. Wa maa pɔ he nɔ jɔɔmi kɛ baptisimi he munyu tumi, nɛ ngɛ be kɛ behi a mi ɔ, wa maa hyɛ kaa Baiblo kaselɔ ɔ ngɛ e hɛ mi yae lo. (Hyɛ daka nɛ ji “ Nɔ́ Nɛ E Sa Kaa Tsɔɔli Nɛ A Pee Konɛ Baiblo Kaseli Nɛ A Ya A Hɛ Mi Kɛ Su Baptisimi He.”) Wa bua jɔ kaa wa piɛɛ he kɛ ngɛ yi wami hemi ní tsumi nɛ ɔ tsue! Nyɛ ha nɛ waa bɔ mɔde nɛ waa kɛ nihi nɛ kase Baiblo ɔ konɛ a ya a hɛ mi kɛ su baptisimi he.
LA 79 Nyɛɛ Tsɔɔ Mɛ Ní Konɛ A Fĩ Si Daa
^ kk. 5 Ke waa kɛ nihi ngɛ Baiblo ɔ kasee ɔ, lɔ ɔ bliɔ blɔ kɛ haa wɔ nɛ wa yeɔ bua mɛ konɛ a le bɔ nɛ Yehowa suɔ nɛ a susumi, a he numi kɛ a ní peepee nɛ hi ha. Ní kasemi nɛ ɔ maa tsɔɔ nɔ́ nɛ maa ye bua wɔ konɛ waa ya wa hɛ mi ngɛ ní tsɔɔmi mi.
^ kk. 4 Hyɛ munyu nɛ ji “Níhi Nɛ E Sɛ Kaa O Pee Ke O Kɛ Nɔ Ko Ngɛ Baiblo ɔ Kasee” nɛ je kpo ngɛ September 2016 Si Himi Kɛ Sɔmɔmi Ní Tsumi ɔ Ní Kasemi Womi ɔ mi ɔ.
^ kk. 8 Yaa WA HE SANEHI > NÍHI A SI KPAMIHI.
^ kk. 9 Ngɛ JW Library® ɔ nɔ ɔ, yaa MEDIA > OUR MEETINGS AND MINISTRY > TOOLS FOR THE MINISTRY.
^ kk. 15 Hyɛ munyu nɛ ji, “Mo Ha Nɛ Suɔmi Nɛ O Ngɛ Kɛ Ha Yehowa a Nɛ Ha Nɛ A Baptisi Mo” kɛ “Anɛ O Pee Klaalo Kaa O Ma Ha Nɛ A Baptisi Mo Lo?” nɛ ngɛ March 2020 Hwɔɔmi Mɔ ɔ mi ɔ.
^ kk. 77 FONI Ɔ MI TSƆƆMI: Benɛ tsɔɔlɔ ɔ pee Baiblo mi ní kasemi ɔ ta a, be bɔɔ se ɔ, nyɛmiyo nɛ ngɛ níhi a si kpami ɔ ye bua tsɔɔlɔ ɔ nɛ e na nɔ́ nɛ maa ye bua lɛ konɛ e ko tu munyu fuu ke e kɛ nɔ ko ngɛ Baiblo ɔ kasee.
^ kk. 79 FONI Ɔ MI TSƆƆMI: Benɛ ní kasemi ɔ ngɛ nɔ tsae ɔ, Baiblo kaselɔ ɔ kase bɔ nɛ e maa pee yogbayo kpakpa ha. Pee se ɔ, e kɛ e huno ɔ ngɛ nɔ́ nɛ e kase ɔ he ní sɛɛe.
^ kk. 81 FONI Ɔ MI TSƆƆMI: Baiblo kaselɔ ɔ kɛ e huno ɔ ngɛ a hɛ ja jee ngɛ nyɛmiyo ko nɛ e kɛ lɛ pee huɛ ngɛ Matsɛ Yemi Asa a nɔ ɔ we mi.