E ngɛ bua jɔmi wawɛɛ kaa Yehowa ha nɛ wa ngɛ níhi nɛ ngɛ Baiblo ɔ mi ɔ a sisi nue wawɛɛ amlɔ nɛ ɔ pe be ko nɛ be ɔ. (Dan. 12:4) Se e he ma nyɛ maa wa ha wɔ kaa wa maa na tsakemihi nɛ a pee ngɛ bɔ nɛ wa nu Baiblo mi anɔkuale komɛ a sisi ha a he. Jije wa ma nyɛ maa na tsakemi nɛ ɔmɛ kɛ bɔ nɛ a tsɔɔ tsakemi nɛ ɔmɛ a mi ha a ngɛ?

• Ke o bli Watch Tower Publications Index ɔ nɛ o hyɛ munyu nɛ ji, “Beliefs Clarified” ɔ, o maa na tsakemihi tsuo nɛ a pee ngɛ bɔ nɛ wa nu Baiblo tsɔɔmihi a sisi ha a he, kɛ be nɛ a kɛ pee tsakemi nɛ ɔmɛ. Ke o ngɛ munyuyi nɛ a to nya hlae ɔ, moo fia “understanding clarified” ngɛ hla blɔ he nɛ ngɛ Watchtower Library loo Watchtower ONLINE LIBRARY^™ ɔ nɔ, nɛ o ngma okadi nɛ ɔ (“) kɛ je munyu nɛ o ma hla a sisi. Lɔ ɔ se ɔ, moo ngma okadi nɛ ɔ (“) hu kɛ gbe munyu ɔ nya.

• O maa na munyuyi kpitikpitihi nɛ a to nya ngɛ Research Guide for Jehovah’s Witnesses ɔ mi. Yaa “Jehovah’s Witnesses,” nɛ o ya “Views and Beliefs.” Lɔ ɔ se ɔ, yaa “Clarification of Our Beliefs.”

Ke o ngɛ dɛ he ní kasemi pee ɔ, o ma nyɛ maa hyɛ kaa o maa na tsakemi ko nɛ a pee lingmi nɛ ɔ kɛ kɔ bɔ nɛ wa nu ngmami ko sisi ha a he, nɛ o hla níhi a mi ngɛ he, kɛ Ngmamihi a nɔ nɛ a da kɛ pee jamɛ a tsakemi ɔmɛ.