Fɔli a blɔ nya ní tsumi ngua ji kaa a maa tsɔɔ a bimɛ ɔmɛ Yehowa he ní. (Efe. 6:4) Yehowa asafo ɔ pee womihi, videohi, kɛ lahi babauu nɛ maa ye bua fɔli konɛ a nyɛ nɛ a tsɔɔ a bimɛ ɔmɛ Yehowa he ní. Mɛni blɔ nɔ nɛ o maa gu konɛ o nyɛ nɛ o ngɔ ní nɛ ɔmɛ kɛ tsɔse o bimɛ ɔmɛ?

• Moo ya JW.ORG ɔ nɔ. Ngɛ lejɛ ɔ, o maa na níhi babauu nɛ a to he blɔ nya kɛ ha jokuɛwi. Ekomɛ ji videohi kɛ blɔ he nɛ o bi ɔ ma nyɛ maa ngma ní loo e tɛni ní ngɛ. a Bɔ nɛ pee nɛ o na ní nɛ ɔmɛ ɔ, moo fia “Jokuɛwi” loo “Nihewi kɛ Yihewi” kɛ wo hla blɔ he ɔ ngɛ jw.org ɔ nɔ.

• Moo hla nɔ́ nɛ maa ye bua o bi ɔ. Ngɛ “Jokuɛwi” a blɔ he ɔ, o ma nyɛ maa hla videohi, lahi, kɛ munyuhi nɛ o susu kaa e maa ye bua o bi ɔ wawɛɛ. Ke o suɔ nɛ o na ní nɛ ɔmɛ ɔ, lɛɛ moo fia “Weku Mawu Jami Mi Ní Tsumihi” kɛ wo hla blɔ he ɔ.

• Mo ná be konɛ o kɛ o bimɛ ɔmɛ nɛ susu ní nɛ ɔmɛ a he. E sɛ nɛ o ngɔ wa video ɔmɛ kɛ ní peemi slɔɔtohi nɛ jw.org ɔ nɔ kɛ ha o bi ɔ nɛ e kɛ je e hɛ ja akɛnɛ o bi ɔ be nɔ́ ko nɛ e maa pee ɔ he je. Mohu ɔ, o kɛ o bi ɔ nɛ susu ní nɛ ɔmɛ a he saminya, nɛ o ye bua lɛ konɛ e kɛ Yehowa nɛ pee huɛ.