Kane 1 Mose 37:​23-28; 39:​17-23 ɔ konɛ o hyɛ kaa o ma nyɛ maa kase nɔ́ ko kɛ je bɔ nɛ Yosef fĩ si ha a mi benɛ a ye lɛ sane yaya a lo.

Mo susu si fɔfɔɛ ɔ he. Mɛni he je nɛ ni kpahi kɛ Yosef hí si saminya a? (1 Mose 37:​3-11; 39:​1, 6-10) Kɛ ya si mɛni be nɛ Yosef kɛ jamɛ a si fɔfɔɛ ɔ kpe? (1 Mose 37:2; 41:46) Ngɛ jamɛ a be ɔ mi ɔ, mɛni nɛ Yehowa pee ha Yosef, se mɛni nɛ e pee we kɛ ha lɛ?—1 Mose 39:​2, 21; w23.01 17 ¶13.

Moo kase babauu. Baiblo ɔ tsɔɔ we kaa Yosef pee nɔ́ ko konɛ e kɛ fã e he benɛ Potifar yo ɔ po e nya a. Kɛ ngmamihi nɛ nyɛɛ se ɔ ma nyɛ maa ye bua wɔ nɛ waa le nɔ́ he je nɛ Yosef hla kaa e be nɔ́ ko dee ha kɛɛ? Nɛ mɛni he je nɛ e sɛ nɛ waa hyɛ blɔ kaa Baiblo ɔ nɛ tsɔɔ nɔ́ fɛɛ nɔ́ mi fitsofitso ɔ? (Abɛ 20:2; Yoh. 21:25; Níts. 21:37) Mɛni suhi lɛ ye bua Yosef nɛ e nyɛ nɛ e fĩ si?—Mika 7:7; Luka 14:11; Yak. 1:​2, 3.

Mɛni o kase ngɛ mi? Mo bi o he ke:

• ‘Akɛnɛ i ngɛ Yesu se nyɛɛe he je ɔ, mɛni sane yaya nɛ ma nyɛ ma hyɛ blɔ?’ (Luka 21:​12, 16, 17; Heb. 10:​33, 34)

• ‘Mɛni maa ye bua mi konɛ ma nyɛ ma fĩ si ke a yi mi dami sane?’ (La 62:​7, 8; 105:​17-19. w19.07 2-7)