Mɛni Hɛ Nɔ Kami Nɛ Ngɛ Kɛ Ha Nihi Nɛ A Gbo ɔ?
Adesahi tsuo gboɔ. Se anɛ ke wa gbo ɔ, kɛkɛ e ta lo? Anɛ Mawu hɛ je nihi nɛ a gbo ɔ a nɔ pɛsɛpɛsɛ lo? Hɛ nɔ kami ko ngɛ kɛ ha nihi nɛ a gbo ɔ lo?
MO SUSU NƆ́ NƐ BAIBLO Ɔ DE Ɔ HE NƐ O HYƐ:
MAWU HƐ JI NIHI NƐ A GBO Ɔ A NƆ
“Nihi tsuo nɛ a ngɛ kaimi yɔkɔ ɔmɛ a mi ɔ maa . . . je kpo.”—Yohane 5:28, 29.
Mawu hɛ ji nihi nɛ a gbo ɔ a nɔ; nihi nɛ a ngɛ e kaimi mi ɔ maa ba wami mi ekohu.
A MA TLE GBOGBOEHI A SI NGƐ ZUGBA A NƆ
“A ma tle nihi nɛ a da kɛ nihi nɛ a dɛ tsuo si kɛ je gbeje.”—Ní Tsumi 24:15.
A ma tle nihi babauu si kɛ ba wami mi ekohu, nɛ a maa hi si ngɛ zugba a nɔ ngɛ tue mi jɔmi babauu mi kɛ ya neneene.
GBOGBOEHI A SI TLEMI Ɔ HE HƐ NƆ KAMI Ɔ JI NƆ́ NITSƐ
“[Mawu] le dodoe ɔmɛ tsuo a yibɔ, nɛ e kɛ a biɛhi tsɛɔ mɛ kakaaka.”—La 147:4.
Ke Mawu nyɛɔ nɛ e tsɛɔ dodoe ɔmɛ tsuo kɛ a biɛ kakaaka a, lɛɛ e he be wae ha lɛ kaa e ma kai nihi nɛ a gbo ɔ nɛ e tle mɛ si.
Eko ɔ, O Bua Maa Jɔ Enɛ ɔ Hu He
BAIBLO MI SANE BIMIHI NƐ A HA HETO
Mɛni Ji Gbogboehi A Si Temi ɔ?
Ke o ba le nihi nɛ a ma tle mɛ si kɛ ba wami mi ɔ, eko ɔ, e maa pee mo nyakpɛ.
