Anɛ o suɔ nɛ o dɛ he ní kasemi nɛ nu tso saminya lo? Ke jã a, lɛɛ ga womi nɛ ɔmɛ ma nyɛ maa ye bua mo konɛ nɔ́ ko nɛ ko gbla o juɛmi ke o ngɛ ní kasee:

• Mo Hla he ko nɛ sa saminya. Ke e maa hi ɔ, moo bɔ mɔde kaa o ma hla he ko nɛ he tsɔ nɛ o ma nyɛ maa hyɛ nɔ́ saminya ngɛ. O ma nyɛ maa hi si ngɛ okplɔɔ ko he loo o ma nyɛ maa hi si ngɛ he ko nɛ maa da mo ngɛ kpo ɔ nya.

• Hla he ko nɛ nɔ ko nɔ ko be. Kaa nɔ hyɛmi nɔ́ ɔ, Yesu te si “makɛ benɛ je mi tsɔ we lolo” nɛ e je kɛ ho “he ko banee ya” nɛ e ya sɔle. (Maak. 1:35) Ke eko ɔ, o be he ko nae nɛ mo pɛ o ma ya hi lejɛ ɔ, lɛɛ o ma nyɛ ma de o weku mi bimɛ loo nihi nɛ o kɛ mɛ ngɛ we mi ɔ be nɛ o kɛ kaseɔ ní. Nɛ o de mɛ kaa a ko gba o nya ke e su jamɛ a be ɔ.

• Moo pee totooto. Ko ha nɛ nɔ́ ko nɛ gbla o juɛmi. Ke o fon loo o tablɛti lɛ o kɛ maa kase ní ɔ, lɛɛ moo ngɔ kɛ fɔ silence loo airplane mode konɛ o nyɛ nɛ o pee totooto. Ke o ngɛ ní ɔ kasee nɛ o kai nɔ́ ko nɛ e sa kaa o pee ɔ, ngmaa kɛ fɔ si konɛ o ya tsu he ní pee se. Ke o nyɛ we nɛ o pee totooto loo o juɛmi ngɛ si kpae ɔ, o ma nyɛ maa te si nɛ o ya nyɛɛ bɔɔ loo o kpã o mi.