MI GBAMI 3
Israelbi A Kpɔmi Kɛ Je Mizraim Kɛ Ya Su Israel Kekleekle Matsɛ Nɔ
Mose nyɛɛ Israelbi ɔmɛ a hɛ mi kɛ je nyɔguɛ si himi mi ngɛ Mizraim kɛ ya su Sinai Yoku ɔ he, nɛ Mawu ha mɛ e mlaa amɛ ngɛ lejɛ ɔ. Pee se ɔ, Mose tsɔ nyumuhi 12 nɛ a ya slaa Kanaan zugba a. Se, a kpɛti nihi 10 ngɔ amaniɛbɔ yaya kɛ ba. A wo mabi ɔmɛ he wami konɛ a kpale a se kɛ ya Mizraim. Mawu ha Israelbi ɔmɛ nyɛɛ nga a nɔ jeha 40 kɛ gbla a tue ngɛ hemi kɛ yemi nɛ a be ngɛ e mi ɔ heje.
Nyagbe ɔ, a hla Yoshua konɛ e nyɛɛ Israelbi ɔmɛ a hɛ mi kɛ ya Kanaan zugba a nɔ. Yehowa pee nyakpɛ ní konɛ e kɛ ye bua mɛ nɛ a nine nɛ su zugba a nɔ. E ha nɛ Yordan Pa a mi gba, Yeriko gbogbo ɔ ku pue si, nɛ pu da si ligbi mluku kake. Jeha ekpa se ɔ, a kpɔ ma a ngɛ Kanaanbi ɔmɛ a dɛ.
Nyadali nyɛɛ Israel ma a hɛ mi jeha 356, nɛ Yoshua ji kekle nyadalɔ. Wa maa kase a ti nihi fuu kaa Barak, Gideon, Yefta, Samson kɛ Samuel a he ní. Wa maa kane yihi komɛ kaa Rahab, Debora, Yael, Rut, Naomi kɛ Delila hu a he sane. Mi Gbami ETƐ ɔ tsuo ngɔ be nɛ su jeha 396 ngɛ yinɔ sane mi.
NGƐ FA NƐ Ɔ
NÍ KASEMI 38
Slaali 12 Ɔmɛ
Slaali ɔmɛ a kpɛti ni nyɔngma ngɛ nɔ́ kake dee, se ni enyɔ ngɛ nɔ́ kpa dee. Mɛnɔmɛ nɛ Israel bi ɔmɛ ma he mɛ ye?
NÍ KASEMI 39
Aaron Dɛma Tso ɔ Tsɛ̃ Mɔmɔ
Kɛ e pee kɛɛ nɛ tso gbigbli tsɛ̃ mɔmɔ nɛ e wo tso yiblii fufui nyɔ kake mi ɔ?
NÍ KASEMI 40
Mose Ngɔ E Tso ɔ Kɛ Fia Tɛsa
Mose ná nɔ́ nɛ e ngɛ hlae, se e ha nɛ Yehowa muklii mi fu.
NÍ KASEMI 43
Yoshua Ba Pee Hɛ Mi Nyɛɛlɔ
Loloolo ɔ, Mose he wa, lɔ ɔ he ɔ, mɛni he je nɛ a kɛ Yoshua da e nane mi ɔ?
NÍ KASEMI 44
Rahab Ngɔ Slaali Ɔmɛ Kɛ Laa
Kɛ Rahab ye bua nyumu enyɔ ɔmɛ ha kɛɛ, nɛ mɛni nɛ e bi kaa a pee ha lɛ?
NÍ KASEMI 48
Gibeonbi Ní Leli Ɔmɛ
A sisi Yoshua kɛ Israel bi ɔmɛ nɛ a wo mɛ si, se Israel bi ɔmɛ ye a si womi ɔ nɔ.
NÍ KASEMI 49
Pu ɔ Da Si
Yehowa pee nɔ́ ko nɛ e pee we eko gblee, nɛ e pee we eko hu kɛ je lɔ ɔ se ɔ kɛ ha Yoshua.
NÍ KASEMI 50
Yihi Kãtsɛmɛ Enyɔ
Ke Barak lɛ nyɛɛ Israel tabo ɔ hɛ mi kɛ ya ta a, lɛɛ mɛni he je mɔ nɛ a kɛ hɛ mi nyami ɔ ha Yael ɔ?
NÍ KASEMI 52
Gideon Kɛ Nyumuhi 300 Ɔmɛ
Mawu gu nyu numi nɔ kɛ hla ta buli bɔɔ ko pɛ. Enɛ ɔ pɔɛ he kulaa.
NÍ KASEMI 54
Nyumu Nɛ He Wa Pe Nɔ Tsuaa Nɔ
Mɛni blɔ nɔ nɛ Delila plɛ kɛ le nɔ́ nɛ haa Samson he wami ɔ?
NÍ KASEMI 55
Jokuɛ Nyumuyo Ko Sɔmɔ Mawu
Mawu gu jokuɛ Samuel nɔ kɛ de Osɔfo Nɔkɔtɔma Eli sɛ gbi ko nɛ nya wa.