MI GBAMI 4
Israel Kekleekle Matsɛ Nɛ A Ngɔ Lɛ Nyɔguɛ Kɛ Ho Babilon Ya
Saul ba pee Israel matsɛ kekle. Se Yehowa kua lɛ, nɛ e hla David kɛ ba ye matsɛ ngɛ e nane mi. Wa maa kase David he sanehi fuu. Benɛ David ji niheyo ɔ, e kɛ nyumu oblai ko nɛ a tsɛɛ lɛ Goliat hwu ta. Pee se ɔ, David tu fo kɛ je Matsɛ Saul hunga jelɔ ɔ nya. Jehanɛ, yo ní lelɔ ko nɛ a tsɛɛ lɛ Abigail tsi David nya kɛ je ní peepee ko nɛ níle be mi ɔ he.
Enɛ ɔ se ɔ, wa maa kase níhi fuu kɛ je David binyumu Salomo nɛ́ ji nɔ nɛ ba ye David se kaa Israel matsɛ ɔ he. Israel matsɛmɛ etɛ ɔmɛ nɛ sɛ hlami ɔ, tsuo ye tsɛ jeha nyingmi eywiɛɛywiɛ. Salomo gbenɔ se ɔ, Israel nɔyemi ɔ mi ba gba enyɔ kɛ pee yiti je matsɛ yemi, kɛ woyi je matsɛ yemi.
Yiti je wɛtso nyɔngma matsɛ yemi ɔ hi si jeha 275 loko Asiriabi ba kpata e hɛ mi. Kɛkɛ nɛ jeha 133 se ɔ, a kpata woyi je wɛtso enyɔ matsɛ yemi ɔ hu hɛ mi. Nɛ a muɔɔ Israelbi ɔmɛ kaa nyɔguɛhi kɛ ho Babilon ya. Lɔɔ he ɔ, Mi Gbami EYWIƐ ɔ ngɔ jeha 510 ngɛ yinɔ sane mi. Wa maa na sanehi babauu nɛ ya nɔ nɛ ngɛ nyakpɛ ngɛ jeha nɛ ɔmɛ tsuo mi.
NGƐ FA NƐ Ɔ
NÍ KASEMI 56
Saul—Israel Matsɛ Kekle
Mawu lɛ hla lɛ kekle, nɛ Mawu nɔuu nɛ e kua lɛ. Wa ma nyɛ maa kase nɔ́ ko ngɛ Saul sane ɔ mi.
NÍ KASEMI 58
David Kɛ Goliat
Tsa pi amlami kɛkɛ nɛ David kɛ gbe Goliat. Nɔ́ ko nɛ ngɛ he wami kulaa pe ta hwumi níhi nɛ e kɛ pee jã a nɛ.
NÍ KASEMI 59
Nɔ́ Heje Nɛ E Sa Kaa David Nɛ Tu Fo
Sisije ɔ, Saul bua jɔ David he, se pee se ɔ, e je e he hunga nɛ e ngɛ hlae maa gbe lɛ po. Mɛni he je?
NÍ KASEMI 60
Abigail Kɛ David
Abigail jɛ e huno ɔ kaa e biɛɛ, se lɔ ɔ nɛ po e huno ɔ he piɛ be bɔɔ ko.
NÍ KASEMI 61
A Wo David Matsɛ
David tsɔɔ kaa lɛ ji nɔ nɛ e sa nɛ e ye matsɛ ngɛ Israel kɛ gu níhi nɛ e pee kɛ níhi nɛ e pee we ɔ nɔ.
NÍ KASEMI 62
Haomi Ngɛ David We ɔ Mi
Yayami ngua kake nɛ e pee ɔ ha nɛ e ngɔ haomi kɛ ba e kɛ e weku li a nɔ jehahi babauu.
NÍ KASEMI 64
Salomo Ma Sɔlemi We ɔ
Ngɛ Salomo nile ɔ tsuo se ɔ, a gbe e yi mi nɛ e je kuasia, nɛ e pee yayami.
NÍ KASEMI 65
A Dla Matsɛ Yemi ɔ Mi
Benɛ Yeroboam bɔni nɔ yemi pɛ ɔ, e ha nɛ Israel bi ɔmɛ tɔ̃ Mawu mlaa nɔ.
NÍ KASEMI 66
Yezebel—Manyɛ Yiwutsotsɛ
E maa pee nɔ́ fɛɛ nɔ́ ko nɛ e ma nyɛ konɛ e nine nɛ su nɔ́ nɛ e ngɛ hlae ɔ nɔ.
NÍ KASEMI 67
Yehoshafat Ngɔ E He Kɛ Fɔ Yehowa Nɔ
Mɛni he je nɛ ta buli maa ya ta be mi nɛ lali nɛ a hɛɛ we ta hwumi níhi ɔ lɛ maa nyɛɛ a hɛ mi?
NÍ KASEMI 68
Nyumuwi Enyɔ Nɛ Ba Wami Mi Ekohu
Anɛ a ma nyɛ ma tle nɔ ko nɛ e gbo si kɛ ba wami mi ekohu lo? E ba hyɛ!
NÍ KASEMI 69
Jokuɛ Yoyo Ko Ye Bua Nɔmlɔ Ngua Ko
E ná kã nɛ e tu munyu, nɛ nyakpɛ nɔ́ ko je mi kɛ ba.
NÍ KASEMI 71
Mawu Wo Paradeiso He Si
Kekleekle paradeiso ɔ klee we; se enɛ ɔ lɛɛ e maa kpe je ɔ mi tsuo.
NÍ KASEMI 74
Nyumu Ko Nɛ́ Yi Gbeye
Yeremia susu kaa e wɛ nɛ e maa pee gbalɔ, se Mawu le kaa e ma nyɛ maa pee.
NÍ KASEMI 75
Nihewi Eywiɛ Ngɛ Babilon
E ngɛ mi kaa a je nihewi eywiɛ nɛ ɔmɛ kɛ je a fɔli a he mohu lɛɛ, se a ye manye.
NÍ KASEMI 76
A Kpata Yerusalem Hɛ Mi
Mɛni he je nɛ Mawu ha nɛ Babilon bi ɔmɛ nɛ ji Israel bi ɔmɛ a he nyɛli kpata Yerusalem hɛ mi ɔ?