MI GBAMI 5
Kɛ Je Nyɔguɛ Si Himi Ngɛ Babilon Kɛ Ya Su Yerusalem Gbogbo ɔ Fiami Ekohu Nɔ
Benɛ Israelbi ɔmɛ ngɛ nyɔguɛ si himi mi ngɛ Babilon ɔ, a kɛ a hemi kɛ yemi ɔ he kahi fuu kpe. A nu Shadrak, Meshak, kɛ Abednego kɛ wo flɔnɔɔ kɛ mi la nɛ ngɛ tsoe gegeege mi, se Mawu ha a je kpo slɔkee. Pee se ɔ, benɛ Mediabi kɛ Persiabi ba ye Babilon nɔ kunimi ɔ, a nu Daniel hu kɛ wo jatahi a muɔ mi, se Mawu bu e he, nɛ e nga jata amɛ a nya nɛ a pee we lɛ nɔ́ ko.
Nyagbe ɔ, Persia matsɛ Koresh ngmɛɛ Israelbi ɔmɛ a he. Nɛ benɛ a ya hi si kaa nyɔguɛhi ngɛ Babilon jeha 70 se ɔ, a kpale kɛ ho a ma mi ya. Níhi nɛ a pee kekleekle benɛ a ya su Yerusalem ɔ kake ji kaa, a ya bɔni Yehowa sɔlemi we ɔ mami. Se, e kɛ we nɛ henyɛli ha a kpa nítsumi ɔ. Lɔɔ he ɔ, benɛ a kpale kɛ ba Yerusalem ɔ, jeha 22 be loko a gbe sɔlemi we ɔ mami nya.
Lɔɔ se ɔ, wa maa na bɔnɛ Ezra hia blɔ kɛ ya Yerusalem nɛ́ e ya dla sɔlemi we ɔ mi. E ya pee enɛ ɔ benɛ a gbe sɔlemi we ɔ nya jeha 47 se. Jeha 13 se ɔ, Nehemia hu ya nɛ e ya ye bua kɛ fia Yerusalem gbogbo ɔ nɛ ku ɔ. Mi Gbami ENUƆ ɔ ngɔ jeha 152 ngɛ yinɔ sane mi.
NGƐ FA NƐ Ɔ
NÍ KASEMI 77
A Kua Si Kplami
Anɛ Mawu ma he nihewi anɔkualetsɛmɛ etɛ nɛ ɔmɛ a yi wami ngɛ flɔɔnɔɔ kɛ e mi la gegeege ɔ mi lo?
NÍ KASEMI 79
Daniel Ngɛ́ Jatahi A Muɔ Mi
A bu Daniel gbenɔ fɔ, se anɛ e ko nyɛ ko pee nɔ́ ko kɛ tu nya fo lo?
NÍ KASEMI 80
Mawu Webi Je Babilon
Persia matsɛ Koresh ha nɛ gbami kake ba mi benɛ e ye Babilon nɔ ɔ, nɛ e ha nɛ gbami kpa ko hu ngɛ mi bae.
NÍ KASEMI 81
Mawu Yemi Kɛ Buami Mi He Kɛ Nɔ Fɔmi
Israel bi ɔmɛ gbo adesa mlaa nɔ tue, konɛ a nyɛ nɛ a bu Mawu tue. Anɛ Mawu maa jɔɔ mɛ lo?
NÍ KASEMI 82
Mordekai Kɛ Ester
Manyɛ Vashti he ngɛ fɛu, se Matsɛ Ahasuerus wo Ester manyɛ kɛ da e nane mi. Mɛni he je?
NÍ KASEMI 83
Yerusalem Gbogbo ɔ
Benɛ a ngɛ gbogbo ɔ fiae ekohu ɔ, e he ba hia nɛ ní tsuli ɔmɛ nɛ a hɛɛ a klaatehi kɛ a we akplɔhi nyɔ kɛ pia tsuo.
