Ke o bu Yehowa tue ɔ, mo susu jɔɔmihi nɛ o ma ná hwɔɔ se ɔ a he nɛ o hyɛ! O ma ná nɔmlɔ tso mi he wami kpakpa​—nɔ ko be hiɔ nue nɛ nɔ ko be gbɔjɔe hulɔ. Nimli yayamihi be si hie hu​—o ma nyɛ ma he nɔ tsuaa nɔ maa ye.

Nɔ ko be nɔ́ nae, nɛ nɔ ko be aywilɛho yee, nɛ nɔ ko be ya foe hu. Nɔ ko be bwɔe nɛ nɔ ko be gboe hu.

 Huɛmɛ kɛ weku li maa bɔle mo kɛ kpe. Paradeiso ɔ mi si himi maa pee bua jɔmi nitsɛnitsɛ.

Gbeye yemi ko kulaa be si hie hu. Nihi a bua maa jɔ a he saminya.