FÃ 4
A Bu Satan Tue—Mɛni Je Mi Kɛ Ba?
Adam kɛ Hawa gbo Mawu tue nɛ a gbo. 1 Mose 3:6, 23
Hawa bu sinɔ ɔ tue nɛ e ye tso yiblii ɔ eko. Pee se ɔ, e ngɔ eko kɛ ha Adam nɛ lɛ hu e ye.
Nɔ́ nɛ a pee ɔ dɛ—e ji yayami. Mawu fiee mɛ kɛ je we nɛ a ngɛ mi nɛ ji Paradeiso ɔ mi.
Si himi mi wa ha mɛ kɛ a bimɛ. A bwɔ nɛ a gbo. Benɛ a gbo ɔ, a yɛ mumihi a je ko; a be si himi mi hu.
1 Mose 3:19
Ke nɔ ko gbo ɔ, wami be e mi, e ngɛ kaa zu.Wa gboɔ ejakaa Adam kɛ Hawa a bimɛ ji wɔ. Nihi nɛ a gbo ɔ hyɛ we nɔ́, nɛ a nui nɔ́, nɛ a nyɛ we nɔ́ ko peemi hulɔ.—Fiɛlɔ 9:5, 10.
Yehowa tui e yi mi kaa adesahi nɛ a gbo. E be kɛe nɛ Yehowa ma tle nihi nɛ a gbo ɔ si. Ke a bu lɛ tue ɔ, a maa hi si kɛ ya neneene.