FÃ 9
Mɛni Be Zugba a Ma Plɛ Paradeiso?
Haomihi nɛ ngɛ je ɔ mi ɔ tsɔɔ kaa Mawu Matsɛ Yemi ɔ su si ta. Luka 21:10, 11; 2 Timoteo 3:1-5
Níhi babauu nɛ ngɛ nɔ yae ngɛ je ɔ mi mwɔnɛ ɔ ji níhi nɛ Baiblo ɔ gba kaa e maa ba. E de kaa nihi maa pee a he sika suɔli, nihi nɛ a bui a fɔli, awi yeli, kɛ nihi nɛ a suɔ níhi nɛ ma ha mɛ bua jɔmi.
Zugba mimiɛmi nɛ nya wa, kɛ ta hwumihi, kɛ hwɔ, kɛ hiɔ maa ba. Ní nɛ ɔmɛ tsuo ngɛ nɔ yae amlɔ nɛ ɔ.
Jehanɛ se hu ɔ, Yesu de ke a maa fiɛɛ Matsɛ Yemi ɔ he sane kpakpa a kɛ kpa zugba a nɔ tsuo.—Mateo 24:14.
Matsɛ Yemi ɔ ma je ní yayamihi tsuo kɛ je. 2 Petro 3:13
E be kɛe nɛ Yehowa ma kpata yayami peeli tsuo a hɛ mi.
A maa gbla Satan kɛ mumi yayami ɔmɛ a tue.
A ma he nihi nɛ a buɔ Mawu tue ɔ a yi wami kɛ ya je ehe nɛ́ a peeɔ dami ní ngɛ mi ɔ mi; gbeye yemi be lejɛ ɔ hie, nihi ma he a sibi maa ye, nɛ a maa suɔ a sibi.
Eko ɔ, O Bua Maa Jɔ Enɛ ɔ Hu He
WOMIHI & WOMIYOHI
Mɛni ji Mawu Matsɛ Yemi ɔ?
Benɛ Yesu ngɛ zugba a nɔ ɔ, e ha nɛ a na nɔ́ nɛ Matsɛ Yemi ɔ maa pee.
WOMIHI & WOMIYOHI
Anɛ Nɔ́ Nami Se Maa Po Ligbi Ko Lo?
Baiblo ɔ tsɔɔ kaa Mawu sume dami sane nɛ a yi ɔ, nɛ e susuɔ nihi a he wawɛɛ. Kɛ o ma ná he se ha kɛɛ? Anɛ o ma nyɛ ma he ye lo?
