FÃ 2
Matsɛ Yemi Fiɛɛmi—Sane Kpakpa a Fiɛɛmi Ngɛ Je Kɛ Wɛ
O DLA o he kaa o maa ya fiɛɛmi mla ngɛ ligbi nɛ o be ní tsumi yae ɔ nɔ. Se o yi mi ngɛ mo pee enyɔɔnyɔ kaa o ya loo o ko ya akɛnɛ pɔ tɔ mo ɔ he je. Kɛkɛ nɛ o sɔle, nɛ o ma o juɛmi nya si kaa o maa ya. O kɛ nyɛmiyo anɔkualetsɛ ko nɛ e wa ngɛ jeha mi nɛ ya, nɛ o bua jɔ bɔ nɛ e toɔ e tsui si, kɛ bɔ nɛ e mi mi jɔ ha a he. Benɛ nyɛ ngɛ Baiblo ɔ mi anɔkuale ɔ fiɛɛe ngɛ wehi a mi ɔ, o kai kaa o nyɛmimɛ ngɛ je kɛ wɛ ɔ ngɛ sɛ gbi nɛ ɔ nɔuu fiɛɛe, a kɛ womi kake ɔ nɔuu ngɛ ní tsue, nɛ wɔ tsuo wa ngɛ tsɔsemi kake too nɛ a kɛ haa wɔ ɔ he se nae. Benɛ o ba we mi ɔ, o nu he kaa o ná he wami ehe. O bua jɔ wawɛɛ kaa o hí si ngɛ we mi!
Mwɔnɛ ɔ, Mawu Matsɛ Yemi ɔ ní tsumi titli ji Kristofohi a sɔmɔmi ní tsumi ɔ. Yesu gba kɛ fɔ si kaa a ma tsu fiɛɛmi ní tsumi ɔ wawɛɛ ngɛ nyagbe ligbi ɔmɛ a mi. (Mat. 24:14) Mɛni blɔ nɔ gbami nɛ ɔ ba mi ngɛ? Ngɛ fã nɛ ɔ mi ɔ, wa ma susu nihi nɛ a fiɛɛ, blɔhi a nɔ nɛ a gu kɛ fiɛɛ, kɛ nɔ́ nɛ he hia wawɛɛ nɛ a kɛ ngɛ ní tsue kɛ ngɛ nihi ayɔhi abɔ ye buae ngɛ je kɛ wɛ konɛ a na kaa Mawu Matsɛ Yemi ɔ ji nɔ yemi nitsɛ ɔ he.
NGƐ FA NƐ Ɔ
YI 6
Nihi Nɛ A Fiɛɛ—Fiɛɛli Ngɔɔ A He Kɛ Haa Faa
Mɛni he je nɛ Yesu ngɛ he kɛ nɔ fɔmi kaa e ma ná nihi nɛ a maa je a tsui mi nɛ a ma fĩ e se ngɛ nyagbe ligbi ɔmɛ a mi ɔ? Mɛni o maa pee kɛ tsɔɔ kaa Matsɛ Yemi ɔ ji nɔ́ titli ngɛ o si himi mi?
YI 7
Blɔhi Nɛ A Kɛ Tsu Ní—A Gu Blɔ Slɔɔtohi A Nɔ Kɛ Fiɛɛ Ha Nihi
Moo kase blɔ slɔɔtohi nɛ Mawu we bi gu nɔ kɛ fiɛɛ sane kpakpa a kɛ ha nihi loko nyagbe ɔ nɛ ba a he ní fuu.
YI 8
Baiblo Kasemi Níhi—A Pee Konɛ A Kɛ Fiɛɛ Ngɛ Je Kɛ Wɛ
Mɛni blɔ nɔ nɛ wa gbi sisi tsɔɔmi ní tsumi ɔ tsɔɔ kaa Yesu fĩ wa se niinɛ? Mɛni anɔkuale nɛ kɔɔ wa womi ɔmɛ a he nɛ haa nɛ o náa nɔ mami kaa Mawu Matsɛ Yemi ɔ ngɛ nitsɛnitsɛ?
YI 9
Yiblii Nɛ Fiɛɛmi Ní Tsumi ɔ Wo—‘Ngmɔ Ɔmɛ Ba Ní, Nɛ E Kpami Be Su’
Yesu tsɔɔ e kaseli ɔmɛ níhi enyɔ nɛ a he hia kɛ kɔ mumi mi ní kpami ɔ he. Kɛ ní nɛ ɔmɛ saa wa he ha kɛɛ mwɔnɛ ɔ?
