KPALE YA SLAA NIHI NƐ A BUA JƆ MUNYU Ɔ HE
NÍ KASEMI 7
Mo Fĩ Si
Sisi Tomi Mlaa: “A yaa nɔ nɛ a hii ní tsɔɔe, nɛ a hii sane kpakpa a jajee nɛ a kpa we.”—Níts. 5:42.
Nɔ́ Nɛ Paulo Pee
1. Moo hyɛ VIDEO ɔ, aloo moo kane Ní Tsumi 19:8-10. Lɔ ɔ se ɔ, mo susu sane bimihi nɛ nyɛɛ se ɔmɛ a he:
Mɛni Wa Kaseɔ Ngɛ Paulo Nɔ Hyɛmi Nɔ́ Nɛ ɔ Mi?
2. Loko wa ma nyɛ maa pee kpale ya slaa nɛ nuu tso nɛ waa kɛ nihi nɛ je Baiblo ɔ kasemi sisi ɔ, e biɔ be kɛ mɔde bɔmi.
Moo Kase Paulo
3. Hyɛ be nɛ maa hi ha nɔ ɔ nɛ o ya e ngɔ. Mo bi o he ke: ‘Mɛni be e ma ná blɔ nɛ i kɛ lɛ nɛ sɛɛ ní nɛ jije ma na lɛ ngɛ?’ Moo bɔ mɔde nɛ o kpale ya slaa lɛ ngɛ be nɛ e tsɔɔ mo ɔ nɔ ke e be mo dae po.
4. Mo bi lɛ be nɛ maa hi ha lɛ nɛ o kpale ya slaa lɛ ekohu. Ke nyɛ gbe ní kasemi ɔ eko fɛɛ eko nya a, mo bi lɛ be nɛ e maa suɔ nɛ o kpale ba slaa lɛ ekohu. Moo bɔ mɔde nɛ o ye be nɛ nyɛ to ɔ nɔ.
5. Mo ná hɛ kɛ nɔ fɔmi. Ke e he waa ha mo kaa o maa na nɔ ɔ ngɛ we mi aloo be fɛɛ be ɔ, e be deka a, o kɛ oya yemi ko ma nya si kaa e bua jɔɛ munyu ɔ he. (1 Kor. 13:4, 7) Ke e ba lɛ jã a, moo bɔ mɔde kaa o ma na nɔ ɔ he blɔ nɛ ngɛ jamɛ a be ɔ mi nɔuu ɔ, o kɛ o be ɔ nɛ tsu ní ngɛ nile mi.—1 Kor. 9:26.
